सोलापूर पुणे महामार्गावर आकुंभे गावाजवळ तुळजापूरवरून बादलेवाडी निमगाव (टेंभुर्णी)येथे ज्योत घेऊन निघालेल्या तरुणांना भरधाव पिकअप ची पाठीमागूण जोरदार धडक एक तरुण गंभीर तर पाच तरुण किरकोळ जखमी…
सोलापूर – दिनांक २२ सप्टेंबर २०२५ रोजी दुपारी चार वाजण्याच्या सुमारास सोलापूर पुणे महामार्गावर आकुंभे गावाजवळ तुळजापूरवरून बादलेवाडी निमगाव (टेंभुर्णी) येथे ज्योत घेऊन जात असताना पुण्याच्या दिशेने जाणाऱ्या एका भरधाव पिकअप क्रमांक MH 13 EP 1593 ने रस्त्याच्या बाजूने ज्योत घेऊन चालणाऱ्या तरुणांना आणि एका आयशर टेम्पो क्रमांक MH 11 CH 4391ला पाठीमागुन जोरदार धडक देऊन झालेल्या अपघातात ज्योत घेऊन चालणाऱ्या तरुणाच्या डोक्याला जबर मार लागून गंभीर जखमी झाला असून बाजूने चालणारे तरुण किरकोळ जखमी झाले असून सदर अपघात जखमी झालेल्या व्यक्तींना वरवडे टोल नाका येथील रुग्णवाहिकेमधून डॉ.महेंद्र ताकतोडे आणि रुग्णवाहिका चालक नागनाथ भालेराव यांनी टेंभूर्णी येथील खासगी रुग्णालयात तात्काळ पुढील उपचारासाठी दाखल केले असून या अपघाताची माहिती मिळताच वरवडे टोल प्लाजा येथील ग्रस्तीपथक आणि मोडनिंब महामार्ग पोलिस मदत केंद्राचे अधिकारी उमेश पवार साहेब (PSI) आणि त्यांचे कर्मचारी तात्काळ घटनास्थळी दाखल झाले.
या अपघातातील जखमींची नावे
१) अमर वेताळ वाघमोडे वय २५ वर्ष २) भुंजंग बाळासाहेब वाघमोडे वय २५ वर्षे, ३) समाधान भारत वाघमोडे वय ३० वर्ष,४) संकेत शहाजी सुरवसे वय २५ वर्षे, ५) सचिन रमेश येळे वय २५ वर्षे, ६) बालाजी गणेश लोंढे वय २१ वर्षे,सर्वजण रा. बादलेवाडी निमगाव (टें) ता.माढा.जि.सोलापूर. महाराष्ट्र अशी आहेत सदर अपघाताची माहिती टेंभूर्णी पोलिस स्टेशन येथील अपघात विभागाचे अधिकारी जगताप आणि सरडे यांना दिली असल्याची माहिती वरवडे टोल प्लाझा येथील ग्रस्थी पथकाचे प्रमुख संतोष खडके यांनी दिली आहे.
