येस न्युज नेटवर्क : अरविंद केजरीवाल यांच्या आम आदमी पार्टी पक्षाने गोव्यातही एन्ट्री केली आहे. राजधानी दिल्ली आणि पंजाबनंतर आप पक्षाने गोव्यात एन्ट्री केली आहे. गोव्यात आप पक्षाचे दोन उमेदवार विजयी झाली आहे. दिल्लीचे मुख्यमंत्री अरविंद केजरीवाल यांनी ट्विट करत माहिती दिली आहे. केजरीवाल यांनी दोन्ही उमेदवाराच अभिनंदनही केले आहे. तसेच गोव्यात प्रमाणिक राजकारणाला सुरुवात झाल्याचे केजरीवाल यांनी आपल्या ट्विटमध्ये म्हटले आहे.
गोवा विधानसभेत आप पक्षाचे बाणावलीचे उमेदवार व्हिन्सी व्हिएगस यांनी जेष्ठ नेते चर्चिल आलेमाव यांचा पराभव केला आहे. माजी मुख्यमंत्री चर्चिल आलेमाव यांचा पराभब केल्याने व्हिन्सी व्हिएगस जायंट किलर ठरले आहेत. तर वेळळी मतदारसंघात क्रूझ सिल्वा यांनीही माजी मंत्री फिलिप नेरी रॉड्रीग्ज यांचा पराभव केला आहे. गोव्यात केजरीवाल यांच्या आप पक्षाने दणक्यात एन्ट्री केली आहे. शिवसेना आणि राष्ट्रवादीच्या उमेदवारांचे डिपॉझिटही जप्त झाले असताना केजरीवाल यांच्या आप पक्षाने गोव्यात आपले खाते उघडले आहे.
गोव्यात शिवसेनेला नोटापेक्षा कमी मतं
गोव्यात शिवसेना आणि राष्ट्रवादी काँग्रेसला मोठा झटका बसला आहे. गोवा विधानसभा निवडणुकीत शिवसेना – राष्ट्रवादी काँग्रेसला नोटा पेक्षाही कमी मते मिळाली आहेत. निवडणूक आयोगाच्या अधिकृत वेबसाईटवरील आकडेवारीनुसार शिवसेनेला 0.25% मत वाटा मिळालाय तर राष्ट्रवादी काँग्रेस पक्षाला तूर्तास 1.06% मतं मिळाली आहेत. विशेष म्हणजे हे दोन्ही आकडे ‘नोटा’ला मिळालेल्या मतांपेक्षाही कमी आहे. 1.17% मतदारांनी ‘नोटा’चा पर्याय निवडला आहे.
