पद्मश्री नामदेव ढसाळ यांची अवहेलना करणाऱ्या सेन्सर बोर्ड अधिकाऱ्यांवर एट्रोसिटी दाखल करण्याची पँथर.अतिश बनसोडे यांची मागणी..
सोलापूर-दिग्दर्शक महेश बनसोडे यांच्या “चल हल्लाबोल” या सिनेमा बाबत गेल्या चार महिन्यापासून सेंसोर बोर्ड आणि दिग्दर्शक यांच्यामध्ये कलगीतुरा चालू आहे एवढ्यातच सेन्सर बोर्डच्या अधिकाऱ्याने अकलेचे तारे तोडत “कोण नामदेव ढसाळ”अशा आशयाची नोटीस महेश बनसोडे यांना दिली. त्या सेंसोर बोर्डाच्या अधिकारी निरीक्षक यांना जर दलित साहित्यामध्ये आणि मराठी साहित्याला विद्रोहाचा आयाम देणारे पद्मश्री नामदेव ढसाळ माहित नसतील तर त्यांना त्या पदावर राहण्याचा काडीमात्र अधिकार नाही. नोटीशी मध्ये कोण नामदेव ढसाळ असे बोलत जर ढसाळ बद्दल अपमान जनक वाचता करत असतील तर त्यांनी मराठी आणि विद्रोही साहित्याचा अपमान केला आहे.
याने महाराष्ट्रातील तमाम साहित्यिकांची मन दुखवले गेलेले आहेत. मराठी भाषेला विद्रोहाचा आयाम देऊन त्याला सातासमुद्रा पलीकडे नेऊन उपजत मराठी रसातळातील मराठी चे दर्शन घडवून देणाऱ्या शोषित पिढीताचा आवाज असणाऱ्या दलित पॅंथर चा लढा उभा करणया बहुआयामी व्यक्तिमत्त्वाचा अपमान करू पाहणाऱ्या संसार बोर्डावर ॲट्रॉसिटी कायद्यांतर्गत कारवाई करण्यात यावी यासाठी युवा पँथर संघटनेच्या वतीने सोलापूर येथील डॉ. बाबासाहेब आंबेडकर चौक येथे पोस्टर प्रदर्शन करीत आंदोलन करण्यात आले.सोलापुरातील डॉ. बाबासाहेब आंबेडकर चौकात नामदेव ढसाळ त्यांच्या कवितेची माहिती देणारे पोस्टर्स दाखवत युवा पँथरच्या कार्यकर्त्यांनी सेन्सॉर बोर्डाच्या विरोधात जोरदार घोषणाबाजी केली.सेन्सॉर बोर्डाने माफी मागावी आणि सरकारने कारवाई करावी नाहीतर येणाऱ्या काळात आंबेडकरी संघटनांकडून बोर्डाचे जोशी यांच्या तोंडाला काळं फासण्याचा इशारा व पॅंथरचे आदेश बनसोडे यांच्याकडून देण्यात आला.
यावेळी संघटनेचे अध्यक्ष आतिश बनसोडे, कार्याध्यक्ष आकाश चंदनशिवे, ऋत्वीक सोनकांबळे,मनोज डी, प्रज्वल पी.पी, रोहन सर्वगोड, अधिक कार्यकर्ते उपस्थित होते…
