माझ्या मांडीवर खेळला आहेस, नितीश यांनी तेजस्वीला यांना सुनावलं

येस न्युज मराठी नेटवर्क :बिहारमध्ये अर्थसंकल्पीय अधिवेशन सुरु असून यावेळी सत्ताधारी आणि विरोधकांमध्ये शाब्दिक युद्ध रंगले आहे. मुख्यमंत्री नितीश कुमार यांनी तर आपल्या भाषणादरम्यान व्यत्यय आणणारे विधानसभा विरोधी पक्षनेते तेजस्वी नेते यांना माझ्या मांडीवर खेळला आहेस असा टोला लगावला आहे. .तेजस्वी यादव यांनी नितीश कुमार यांच्या भाषणादरम्यान अटलबिहारी वाजपेयी यांच्या सरकारमध्ये केंद्रीय मंत्री असतानाच्या कार्यकाळाची आठवण करुन दिली. यावरुन नितीश कुमार यांना टोला लगावत म्हटले की, “जेव्हा आम्ही तिथे मंत्री होतो तेव्हा तुम्ही मांडीवर खेळत होतात. आम्ही तुम्हाला मांडीवर खेळवले नाही का?”.