पिवळ्या कलिंगडाच्या उत्पादनातून कमावले तीन लाख

येस न्युज मराठी नेटवर्क : कलिंगड म्हटलं की लगेच आपल्या डोळ्यासमोर बाहेरून हिरवं आणि आतून लाल असे चित्र येते . पण तुम्ही कधी पिवळं कलिंगड खाल्लंय किंवा बघितलंय का? जर तुमचं उत्तर नाही असेल तर यापुढे मात्र तुम्हाला पिवळं कलिंगड खाता येऊ शकते .कर्नाटकातील कलबुर्गी जिल्ह्यातील कोरहळ्ळी गावात बसवराज नावाचा पदवीधर युवक राहातो. त्याने पारंपारिक शेतीला फाटा देऊन आपल्या शेतात पिवळ्या रंगाच्या कलिंगडाची लागवड केली. त्याच्या प्रयत्नांना यश आलंय.”मी पिवळ्या कलिंगडाच्या शेतीसाठी दोन लाख रुपयांची गुंतवणूक केली होती, त्यातून मला तीन लाख रुपयांचा नफा झाला” असं बसवराजने सांगितलं. मालवण, पालघरमध्ये पिवळ्या कलिंगडांचं उत्पादन घेतलं जात आहे.