राज मेमोरियल इंग्लिश स्कूल मध्ये स्वर्गीय राजेश अण्णा कोठे यांची 60 वी जयंती विविध समाज उपयोगी कार्यक्रमांनी साजरी
सोलापूर- जुनी मिल कंपाऊंड मुरारजी पेठ येथील राज मेमोरियल इंग्लिश स्कूलमध्ये स्वर्गीय राजेश अण्णा कोठे यांची ६० वी जयंती विविध सामाजिक उपक्रम घेऊन उत्साह साजरी करण्यात आली.
सर्वप्रथम प्रमुख पाहुणे लायन्स क्लब ऑफ चारिटेबल ट्रस्ट चे प्रशासकीय अधिकारी रूपा सुंदराजन, महासिद्ध म्हमाणे, सुवर्णा काळे,मीरा घाटगे,यांच्या हस्ते व संस्था अध्यक्ष माननीय डॉ. सूर्यप्रकाश कोठे, डॉ. राधिका चिलका, मुख्याध्यापिका रोहिणी सुरा पालक शिक्षक संघाचे अध्यक्षा शोभा कुलकर्णी, इस्माईल बागवान यांच्या प्रमुख उपस्थितीत शिक्षण महर्षी स्वर्गीय विष्णुपंत तात्यासाहेब कोठे ,स्वर्गीय राजेश अण्णा कोठे, स्वर्गीय महेश अण्णा कोठे, विद्येची देवता सरस्वती यांच्या प्रतिमेचे पूजन व पुष्पहार अर्पण करून सदर कार्यक्रमाची सुरुवात करण्यात आली.
यानंतर कार्यक्रमाचे प्रमुख मान्यवर यांचा सत्कार डॉक्टर राधिका चिलका यांच्या हस्ते करण्यात आला. दिनांक 14 जुलै स्वर्गीय राजेश अण्णा कोठे यांच्या जयंतीचे औचित्य साधून 2025 -26 वर्षातील शाळेतील इयत्ता दहावीतील अनुक्रमे प्रथम, द्वितीय, तृतीय ऋतुजा जमादार, अर्पिता पवार, समृद्धी शिंदे अश्या गुणवंत विद्यार्थ्यांचा सत्कार करण्यात आला.
सदर दिनाचे औचित्य साधून संस्था अध्यक्ष डॉक्टर सूर्यप्रकाश कोठे, डॉक्टर डॉ. राधिका चिलका,मुख्याध्यापिका रोहिणी सुरा यांच्या हस्ते शाळेतील 60 पालकांना एक घर एक झाड या उपक्रमांतर्गत वृक्ष वाटप करण्यात आले. शाळेतील विद्यार्थ्यांच्या पालकांसाठी लायन्स क्लब ऑफ सोलापूर चॅरिटेबल ट्रस्ट जिल्हा अंधत्व निवारण समिती दमानी नगर सोलापूर यांच्या संयुक्त विद्यमाने मोफत नेत्र तपासणी शिबिर घेण्यात आले. या वेळी पालक मोठ्या संख्येने उपस्थित होते.तसेच सदर दिनाचे औचित्य साधून शाळेतील इयत्ता नर्सरी ते चौथीपर्यंतच्या विद्यार्थ्यांसाठी चित्रकला स्पर्धा घेण्यात आली.
यानंतर शाळेतील सहशिक्षिका विनिता भोसले व मंगल जाधव यांनी आपल्या मनोगतातून स्वर्गीय राजेश अण्णा कोठे यांच्या जीवनाबद्दल महत्त्व विद्यार्थ्यांना विशद केले.
यांनतर शाळेतील इयत्ता सातवी व आठवीतील विद्यार्थ्यांकरिता बीज गोळे (सीड बॉल) ही कार्यशाळा घेण्यात आली. या कार्यशाळेत शाळेतील 231 विद्यार्थ्यांनी 3 हजार बीज गोळे तयार केले. सदर कार्यशाळा पर्यावरण प्रेमी प्रवीण तळे यांच्या मार्गदर्शनाखाली घेण्यात आली होती.
सदर कार्यक्रम यशस्वी करण्यासाठी संस्था अध्यक्ष डॉ.माननीय सूर्यप्रकाश कोठे ,उपाध्यक्ष माननीय आमदार देवेंद्र दादा कोठे, सचिव माननीय प्रथमेश दादा कोठे, डॉक्टर राधिका चिलका, शाळेच्या मुख्याध्यापिका रोहिणी सुरा यांचे प्रमुख मार्गदर्शन लाभले.
सदर कार्यक्रम यशस्वी करण्यासाठी शाळेतील सर्व शिक्षक वृंद व शिक्षकेतर कर्मचारी यांनी परिश्रम घेतले.
सूत्रसंचालन व आभार प्रदर्शन सहशिक्षिका विद्या माने यांनी केले.
