भारत आणि युनायटेड किंगडम यांच्यात झालेला ऐतिहासिक मुक्त व्यापार करार १५ जुलै २०२६ पासून अधिकृतपणे लागू झाला आहे.या करारामुळे ९९% भारतीय उत्पादनांवर ब्रिटनमध्ये शून्य आयात शुल्क असणार आहे. तर युकेमधून भारतात येणाऱ्या स्कॉच व्हिस्की आणि लक्झरी कारवरील कर कमी करण्यात आले आहेत.
भारत-यूके करार: काय स्वस्त आणि काय महाग..!
कपडे आणि दागिने: भारतातून यूकेला निर्यात होणाऱ्या कपड्यांवर आणि दागिन्यांवर आता कोणताही कर लागणार नाही.
मद्य: यूकेमधून आयात होणाऱ्या स्कॉच व्हिस्की आणि जिनवरील आयात शुल्क १५०% वरून ७५% करण्यात आले आहे.
लक्झरी गाड्या: यूकेच्या रोल्स रॉयस आणि जग्वारसारख्या लक्झरी कारवरील आयात शुल्क १००% वरून १०% पर्यंत खाली आले आहे.
शेतकऱ्यांना फायदा: भारतीय शेतकऱ्यांना यूकेच्या ३७.५ अब्ज डॉलरच्या कृषी बाजारात सुलभ प्रवेश मिळाला आहे.
म्हणजेच आता भारताच्या 99% वस्तूंना यूकेमध्ये शून्य शुल्कावर निर्यात केले जाईल. तर यूकेच्या 99% वस्तू 3% सरासरी शुल्कावर आयात होतील.यामुळे 2030 पर्यंत द्विपक्षीय व्यापार दुप्पट होऊन 120 अब्ज डॉलरपर्यंत पोहोचण्याची शक्यता आहे.
