जागतिक पर्यावरण दिनाचे औचित्य साधून प्रिसिजन कॅमशाफ्ट्स लिमिटेडमध्ये वृक्षारोपण कार्यक्रम उत्साहात संपन्न झाला. पर्यावरण संवर्धनाची परंपरा जपत कंपनी परिसरात विविध प्रकारच्या वृक्षांची लागवड करण्यात आली. हरित आणि शाश्वत भविष्यासाठी वृक्षसंवर्धनाची गरज अधोरेखित करत अधिकारी व कर्मचाऱ्यांनी वृक्षारोपणात उत्स्फूर्त सहभाग नोंदविला.
प्रिसिजनमध्ये उत्पादनाबरोबरच पर्यावरण संरक्षणालाही तितकेच महत्त्व दिले जाते. गेल्या अनेक वर्षांपासून कंपनी परिसरात मोठ्या प्रमाणावर वृक्षलागवड आणि संवर्धन करण्यात येत असून, आज परिसरातील हिरवीगार लॉन्स, घनदाट वृक्षसंपदा आणि स्वच्छ वातावरण हे त्या प्रयत्नांचे प्रतीक बनले आहे. याच पर्यावरणपूरक संस्कृतीला अधिक बळकटी देण्याच्या उद्देशाने या वृक्षारोपण कार्यक्रमाचे आयोजन करण्यात आले होते.
यावेळी आर. के. काशीद, व्ही. पी. रॉय, सी. एस. मुंदोडगी, एन. एन. फलटणकर, एस. व्ही. पाटील यांच्यासह अधिकारी व कर्मचारी मोठ्या संख्येने उपस्थित होते. उपस्थितांनी वृक्षांचे संगोपन करण्याची आणि पर्यावरण संरक्षणासाठी सातत्याने योगदान देण्याची प्रतिज्ञा केली.
पर्यावरणाचे रक्षण ही केवळ एका दिवसापुरती मर्यादित मोहीम नसून ती प्रत्येकाची सामूहिक जबाबदारी असल्याचे मत यावेळी व्यक्त करण्यात आले. कार्यक्रमाच्या माध्यमातून पर्यावरण संवर्धनाचा संदेश देत हरित भविष्यासाठी सर्वांनी एकत्रितपणे काम करण्याचे आवाहन करण्यात आले.
