सोलापूर : दयानंद काशिनाथ असावा प्रशालेचा 64 वा वार्षिक पारितोषिक वितरण समारंभ उत्साहात पार पडला. या प्रसंगी वालचंद इन्स्टिट्यूट ऑफ टेक्नॉलॉजी चे भाग्येश देशमुख यांच्या हस्ते विद्यार्थ्यांना बक्षीस वाटप करण्यात आले. यावेळी मुख्याध्यापिका मनिषा पाटील, पर्यवेक्षिका सुनीता गवळी, पालक शिक्षण संघाच्या सचिवा पुष्पा शहाणे, पालक शिक्षक संघाचे उपाध्यक्ष प्रकाश जाधव, सहसचिवा श्रेया शिंदे व इतर कार्यकारणी सदस्य उपस्थित होते. पाहुण्यांचा परिचय चंद्रकांत भोसले यांनी करून दिला. वेगवेगळ्या स्पर्धांमध्ये सहभाग नोंदवलेल्या व पारितोषिक प्राप्त विद्यार्थ्यांचा यावेळेस सत्कार करण्यात आला. या कार्यक्रमाचे सूत्रसंचालन आरती बनसोडे व आभार प्रदर्शन प्रकाश जाधव यांनी केले.
