सोलापूर –येथील शरदचंद्र पवार प्रशाला व ज्युनिअर कॉलेजचे मुख्याध्यापक तानाजी माने यांची राज्य मुख्याध्यापक महामंडळाच्या अध्यक्षपदी एकमताने निवड करण्यात आली. महामंडळाचे मावळते अध्यक्ष जे के पाटील जळगाव यांच्या अध्यक्षतेखाली सोलापूर येथील सुशील रसिक सभागृह येथे रविवारी महाराष्ट्रातील प्रत्येक जिल्ह्यातील जिल्हा अध्यक्ष, सचिव व कौन्सिलर मेंबर यांची बैठक झाली सदर बैठकीमध्ये 2024 ते 2027 पर्यंत महामंडळाचे पदाधिकारी निवडण्यासाठी महामंडळाचे ज्येष्ठ मार्गदर्शक सुभाषराव माने सोलापूर, अरुण थोरात पुणे, डी एस पाटील कोल्हापूर ,जे के पाटील जळगाव, शांताराम पोखरकर पुणे, अमृत पांढरे सांगली यांची समिती करून त्यांना पदाधिकारी निवडीचे अधिकार सर्वानुमते देण्यात आले.
सदर कमिटीने तानाजी माने सोलापूर अध्यक्ष, आमदार ज्ञानेश्वर म्हात्रे ठाणे कार्याध्यक्ष, नंदकुमार सागर पुणे सचिव म्हणून निवड केली. माने हे सध्या सोलापूर जिल्हा माध्यमिक व उच्च माध्यमिक शाळा मुख्याध्यापक संघाचे अध्यक्ष म्हणून कार्यरत आहेत. त्यांच्या निवडीबद्दल महाराष्ट्रातील प्रत्येक जिल्ह्यातील अध्यक्ष ,सचिव, मुख्याध्यापक महामंडळाचे माजी पदाधिकारी ,कौन्सिलर सदस्य ,विविध संघटनांचे पदाधिकारी यांनी अभिनंदन केले
