सर्वोत्कृष्ट दिग्दर्शकाचा पुरस्कार
सोलापूरचा मराठमोळा दिग्दर्शक अक्षय इंडीकरने कॅनडामध्ये मराठी सिनेमाला पुन्हा एकदा मानाचे स्थान मिळवून दिले आहे. कॅनडामध्ये दरवर्षी पार पडणाऱ्या ओटावा इंडियन फिल्म फेस्टिव्हल अवॉर्ड सोहळ्यात अक्षय इंडीकरला त्याच्या ‘स्थलपुराण’ या सिनेमासाठी सर्वोत्कृष्ट दिग्दर्शकाचा पुरस्कार प्रदान करण्यात आला आहे . तसेच ‘स्थलपुराण’ सिनेमातील नील देशमुख या बालकलाकाराला सर्वोत्कष्ट बालकलाकाराच्या पुरस्काराने सन्मानित करण्यात आले आहे. हे पुरस्कार जाहीर होताच अक्षयने सोशल मीडियावर एक पोस्ट शेअर करत आनंद व्यक्त केला . यात तो म्हणाला, “कॅनडा मधील चित्रपट महोत्सवात मला सर्वोत्कृष्ट दिग्दर्शक हा पुरस्कार जाहीर झाला आहे. माझ्या संपूर्ण टिमचे हे यश आहे. हा पुरस्कार मी माझ्या मराठी भाषेला अर्पण करतो, असे ट्वीट अक्षयने केले आहे .
