रविवारी वितरण सोहळा : नऊ महिलांचा होणार गौरव
सोलापूर : श्रीमंतयोगी युवक प्रतिष्ठानच्या वतीने नवरात्रोत्सवानिमित्त विविध क्षेत्रात उल्लेखनीय कार्य करणाऱ्या मान्यवर नऊ महिलांना “नारीशक्ती” पुरस्काराने सन्मानित करण्यात येणार आहे. रविवार दि १० ऑक्टोंबर रोजी दुपारी १२.०० वाजता पुरस्कार वितरण सोहळा होणार असल्याची माहिती प्रतिष्ठानचे संस्थापक अध्यक्ष महेश कासट यांनी दिली.
● रंगभवन चौकाजवळील समाजकल्याण केंद्रात हा सोहळा होणार आहे. प्रमुख पाहुणे म्हणून सोलापूर कृषी उत्पन्न बाजार समितीच्या सदस्य इंदुमती अलगोंडा, स्किल क्राफ्टर्स संचालिकाचे प्रतिभा जमखंडीकर, प्राचार्य पशुधन व्यवस्थापन व दुग्धव्यवसायचे शुभांगी वसुलकर, एन्डोक्रिनोलॉजिस्टचे डाँ.पूनम भुतडा, प्रतिष्ठानचे संस्थापक अध्यक्ष महेश कासट आदी मान्यवर उपस्थित होणार आहेत.
या सोहळ्यास सर्वानी उपस्थित रहावे असे आवाहन सुवर्ण शहा, शुभांगी लचके, शीला तापडिया, रुपा कुत्ताते, भाग्यश्री वंजारे, प्राजक्ता जाजू, प्रांजली मोहिकार यानी केले.
सन्मानचिन्ह,सन्मानपत्र,शाल व पुष्पगुच्छ असे या पुरस्काराचे स्वरूप आहे. पुरस्काराचे हे तिसरे वर्ष आहे. नवरात्रीनिमित्त आदिशक्तीच्या नऊ रूपाप्रमाणेच विविध क्षेत्रातील नऊ महिलांचा नारीशक्ती पुरस्काराने सन्मान होणार असल्याचे महेश कासट यांनी सांगितले.
नारीशक्ती पुरस्काराच्या मानकरी
डॉ श्वेता शहा (वैद्यकीय), रुपाली माळवदकर (विमा क्षेत्र), अँड नीता मंकणी (विधी), नंदा लाहोटी (सामाजिक ), प्रा संगीता मुनावळी सातवेकर (शैक्षणिक क्षेत्र- गव्हर्नमेंट पाँलीटेक्निक), सुनंदा महाराणा (उद्योग क्षेत्र – सुवर्णा ब्युटी क्लिनिक अँड अँकँडमी), रेणुका पंतगे (प्रशासकीय सेवा – सोलापूर महानगरपालिका ), सोनाली भोसले (आरोग्य क्षेत्र – नर्स), डॉ मानसी कुलकर्णी(आयुर्वेदाचार्य आयुर्वेदिक) आदी नऊ मान्यवर महिलांचा या पुरस्काराने सन्मान करण्यात येणार आहे.
