ऐश्वर्या उंबरजे यांची सहाय्यक अभियंता वर्ग 2 पदी निवड

येस न्युज मराठी नेटवर्क : महाराष्ट्र लोकसेवा आयोगाकडून घेण्यात आलेल्या परीक्षेत कु. ऐश्वर्या महेंद्र उंबरजे यांची सहाय्यक अभियंता वर्ग-2 जलसंपदा विभाग या पदावर निवड झाली आहे. अधिकाऱ्यांचं कुटुंब अशी ओळख असणाऱ्या कुटुंबातील ऐश्वर्या उंबरजे यांनी घवघवीत यश प्राप्त केले आहे. कुमारी ऐश्वर्या हिचे शिक्षण मेघा इन्स्टिट्यूट हैद्राबाद येथे अकरावी व बारावी, वालचंद कॉलेज सोलापूर येथे सिव्हिल अभियांत्रिकी व विसवेश्वरया नॅशनल इन्स्टिट्यूट ऑफ टेक्नॉलॉजी नागपूर येथे अर्बन प्लॅनिंग मध्ये M. Tech झाले आहे. सार्वजनिक बांधकाम विभागातील उप अभियंता महेंद्र उंबरजे व सविता उंबरजे यांची मुलगी व महा एनजीओ फेडरेशनचे संचालक अमोल उंबरजे यांची पुतणी आहे. ऐश्वर्या व उंबरजे कुटुंब हे मूळचे औज मंद्रुप तालुका दक्षिण सोलापूर येथील आहेत. या निवडीबद्दल सोलापूर शहर व जिल्ह्यातून अनेक मान्यवरांनी कु ऐश्वर्या हिचे अभिनंदन केले आहे.