सोलापूर : दराशा नागरी आरोग्य केंद्र व प्रसुतीगृहाचे नूतनीकरण करण्यात आले आहे. हे नूतनीकरण बालाजी अमाईन्स स्पेशलिटी केमिकल्स लिमिटेड, सोलापूर यांच्या सीएसआर फंडातून करण्यात आले असून सोलापूर महानगरपालिका आयुक्त डॉ. सचिन ओम्बासे यांच्या मार्गदर्शनाखाली व उपायुक्त आशिष लोकरे यांच्या नियंत्रणाखाली या उपक्रमामुळे नागरिकांना अधिक दर्जेदार, आधुनिक व सुसज्ज आरोग्य सुविधा देण्यात येत आहेत.
नूतनीकरणानंतर दराशा प्रसुतीगृहात या महिन्यात १०० हून अधिक सामान्य प्रसूती, १५ सिझेरियन शस्त्रक्रिया व २५ कुटुंब नियोजन शस्त्रक्रिया यशस्वीरित्या पार पाडण्यात आल्या आहेत. या ठिकाणी महिलांना आवश्यक त्या तज्ञ डॉक्टर व कर्मचारी उपलब्ध आहेत. स्त्रीरोगतज्ज्ञ डॉ. रेणुका लांहडे, बालरोगतज्ज्ञ डॉ. नजमीन शेख, डॉ. अनिल पवार, तसेच सजीवनी धरूरकर, व सर्व स्टाफ UPHC चे अस्मिता खडतरे व सोनाली कारंडे व सर्व स्टाफ व इतर सर्व कर्मचारी यांच्या सेवेमुळे रुग्णांना सातत्याने आरोग्य सुविधा पुरवल्या जात आहेत.
प्रसूतीगृहात गरोदर मातांसाठी सर्व अद्ययावत सुविधा उपलब्ध करून देण्यात आल्या आहेत.
आधुनिक व सुसज्ज शस्त्रक्रिया गृह
स्वतंत्र व सुसज्ज प्रसूतीगृह
सुसज्ज हिरकणी कक्ष
गर्भवती मातांसाठी सुसज्ज प्रतीक्षालय
प्रसूतीपूर्व तपासणी सुविधा – सोनोग्राफी, प्रयोगशाळा तपासण्या इ.तसेच, रुग्णालयात २४ तास अखंडित विद्युत पुरवठ्यासाठी स्वतंत्र डिझेल जनरेटर, रुग्णांसाठी शुद्ध पिण्याचे पाणी, गरम पाण्याची सुविधा, लिफ्ट सेवा उपलब्ध करून देण्यात आली आहे.महिलांच्या आरोग्यविषयक सेवांसाठी या प्रसुतीगृहात मोफत सुविधा उपलब्ध करून देण्यात येणार आहेत. गरोदर मातांसाठी रुग्णवहीका सोय करण्यात आले आहे. प्रसुतीपूर्व तपासणीपासून प्रसूतीपर्यंतच्या सर्व सोयी एकाच ठिकाणी उपलब्ध आहेत.
या उपक्रमामुळे शहरातील महिलांना त्यांच्या आरोग्य व प्रसूतीसाठी सुरक्षित, सुसज्ज आणि विश्वासार्ह आरोग्य सुविधा मिळतील. नागरिकांनी विशेषतः गरोदर मातांनी या सेवांचा लाभ घ्यावा, असे आवाहन महानगरपालिका आरोग्य अधिकारी डॉ. राखी माने यांनी केले आहे.
