शारदीय नवरात्र महोत्सव व वै.श्रीपती जांभळे यांच्या ४४ व्या पुण्यस्मरणाचे अवचित्य साधून विठ्ठल रुक्मिणी मंदिर पंढरपूर या ठिकाणी ह.भ.प.बळीराम जांभळे महाराज यांच्या मार्गदर्शनाखाली हरीपाठाच्या पुस्तकाचे प्रकाशन करण्यात आले. गुरुवर्य हरिभक्तिपरायण गहिनीनाथ महाराज औसेकर यांच्या कृपाशीर्वादातून पांडुरंगाच्या मंदिरामध्ये हरिपाठ करण्याची संधी मिळाली.
याप्रसंगी विठ्ठल मंदिराचे मुख्य पुजारी ह.भ.प.यशवंत गुरव महाराज यांचा सत्कार करण्यात आला.हरिपाठ परिवार व श्री संत सावता महाराज वारकरी मृदंग वादन प्रशिक्षण संस्था सोलापूर यांच्या माध्यमातून 40 मुली 15 मुले आणि 40 महिलांच्या माध्यमातून ह.भ.प.चंद्रकांत जांभळे महाराज यांच्या मार्गदर्शनाखाली भव्य दिव्य हरिपाठ संपन्न करण्यात आला.
याप्रसंगी विठ्ठलाचे मुख्य पुजारी ह भ प यशवंत गुरव महाराज, वारकरी मंडळ युवक जिल्हाध्यक्ष ह.भ.प.संजय केसरे महाराज, चैतन्य मोरे महाराज,अजिंक्य मोरे महाराज ,गुरुनाथ ताटे महाराज, यांच्या शुभहस्ते व महिला प्रतिनिधी अंजली लोखंडे, स्वाती मोरे तसेच हरिपाठ परिवाराच्या असंख्य महिला यांच्या उपस्थितीत सुलभ आणि सोपा असणारा हरीपाठ ग्रंथाचे प्रकाशन करण्यात आले. याप्रसंगी बोलताना बळीराम जांभळे म्हणाले लहान मुलांना मोबाईलच्या लागलेल्या व्यसनापासून परावृत्त करायचे असेल तर एकमेव साधन म्हणजे संप्रदाय आणि संगीत शिक्षण यातूनच पुढची पिढी सुसंस्कार घडणार आहे.
हरीपाठ पुस्तक सर्व भाविकांना मोफत देण्यात येणार आहेत. या कार्यक्रमास मृदंगसाथ ह.भ.प. अनिकेत जांभळे, ह.भ.प.गुरुनाथ ताटे, ह.भ.प. शंभू महाराज जांभळे, ह.भ.प.समर्थ कांबळे ,ह.भ. प. स्वराज केसरे यांनी केली.
हा कार्यक्रम संपन्न करण्यासाठी अविराज जांभळे,सुभाष जांभळे ,माधुरी सोमदळे, गीता क्षीरसागर ,श्रद्धा जाधव ,
कावेरी यमगवळी, मंगल जाधव ,अश्विनी जांभळे, पुनम व्यवहारे यांनी परिश्रम घेतले.
