प्रिसिजनचे संस्थापक सुभाष रावजी शहा यांच्या पुण्यतिथी निमीत्त 68 कर्मचाऱ्यांनी केले रक्तदान

सोलापूर – प्रिसिजन कॅमशाफ्टस्‌’चे चेअरमन तथा सोलापुरातील ज्येष्ठ उद्योगपती सुभाष रावजी शहा यांच्या ११ व्या पुण्यतिथी निमित्त आज १ ऑगस्ट २०२२ रोजी प्रिसिजन कपंनीमध्ये रक्तदान शिबिराचे आयोजन करण्यात आले होते. पुण्यतिथी निमित्त प्रिसिजन कंपनी मध्ये कर्मचाऱ्यांच्या वतीने त्यांना श्रद्धांजली अर्पण करण्यात आली.
प्रिसिजन कॅमशाफ्टस्‌ लिमिटेडचे व्यवस्थापकीय संचालक यतिन शहा यांचे ते वडिल होते. सुभाष रावजी शहा हे सोलापूरच्या सामाजिक व राजकीय क्षेत्रात रमलेले व्यक्तीमत्व,1965 साली सुभाष शहा यांनी आपले भाऊ विमलकुमार शहा यांच्या सोबतीने होटगी रोडवरील चेतन फौंड्री सुरू केली होती. ‘प्रिसिजन’च्या स्थापनेमध्ये त्यांचा मोलाचा वाटा होता. अक्कलकोट औद्योगिक वसाहतीतील प्रिसिजनचे दोन्ही युनिट सुभाष शहा यांच्याच मार्गदर्शनाखाली सुरू झाले होते. प्रिसिजनच्या उभारणीमध्ये आणि नंतरच्या वाटचालीत यतिन शहांना खऱ्या अर्थाने मार्गदर्शन आणि मानसिक पाठबळ मिळाले ते सुभाष शहा यांच्याकडूनच.
आज त्यांची ११ वि पुण्यतिथी निमित्त सकाळी कपंनीचे सीईओ श्री नारायण चित्तवर्जुला व राजकुमार काशीद ( एचआर जनरल मॅनेजर ) डॉ सुरेश जयदीप व दमाणी ब्लड बँकचे कर्मचारी यांच्या उपस्थिती मध्ये रक्तदान शिबिराचे उद्धघाटन करण्यात आले. त्यानंतर ठीक १२ वाजता संपूर्ण उत्पादन प्रक्रिया बंद करून सर्व कर्मचाऱयांनी १ मिनिट स्तब्द राहून संस्थापक चेअरमन यांना अभिवादन केले. त्याच बरोअबर कपंनीमधील सर्व फौंड्री व मशीन शॉप मधील कर्मचाऱ्यांनी आपाआपल्या काम  करण्याच्या ठिकाणी उभे राहून श्रद्धांजली अर्पण केली. अक्कलकोट MIDC मधील दोन्ही युनिट मध्ये देखील स्वर्गीय सुभाष रावजी शहा यांच्या फोटो ला पुष्पहार अर्पण करून श्रद्धांजली देण्यात आली.यावेळी कपंनीचे सर्व अधिकरी कर्मचारी व कर्मचारी संघटनेचे पदाधिकारी उपस्थित होते.