सोलापूर: छत्रपती संभाजी नगर या ठिकाणी झालेल्या 17 वर्षाखालील मुलींच्या शालेय राज्यस्तरीय तलवारबाजी स्पर्धेत शाळेतील उत्कृष्ट खेळाडू कुमारी. मधुरा संतोष माळी हिने सेबर या प्रकारात मुलींच्या सांघिक गटात सुवर्ण पदक व वैयक्तिक गटात रौप्य पदक प्राप्त केले आहे. या कामगिरीवर मधुरा माळी हिची जम्मू येथे होणाऱ्या 17 वर्षाखालील मुलींच्या राष्ट्रीय तलवारबाजी स्पर्धेसाठी निवड झाली आहे. तसेच छत्रपती संभाजी नगर या ठिकाणी झालेल्या 14 वर्षाखालील मुलांच्या शालेय राज्यस्तरीय तलवारबाजी स्पर्धेत शाळेतील उत्कृष्ट खेळाडू कुमार. आदित्य संतोष माळी याने ईप्पी या प्रकारात मुलांच्या सांघिक गटात कास्यपदक मिळवले आहे.
यशस्वी खेळाडूंना मुख्य प्रशिक्षक पवन भोसले क्रीडाशिक्षक अतुल सोनके आशुतोष जाधव यांचे प्रमुख मार्गदर्शन लाभले. यशस्वी खेळाडूंची संस्था अध्यक्ष माननीय महेश अण्णा कोठे, डॉक्टर राधिकाताई चिलका, डॉक्टर सूर्यप्रकाश कोठे, माननीय देवेंद्र दादा कोठे, माननीय प्रथमेश दादा कोठे, प्राध्यापक विलास बेत तसेच शाळेच्या मुख्याध्यापिका रोहिणी सुरा व सर्व शिक्षक वृंद यांनी विशेष अभिनंदन केले आहे.
यशस्वी खेळाडूंचा सत्कार करताना डॉक्टर .सूर्यप्रकाश कोठे, ऊर्मिला माळी,सहशिक्षक सदानंद दिकोंडा, क्रीडा शिक्षक अतुल सोनके.
