जूळे सोलापूर येथील भंडारी मैदानावर झालेल्या टीचर्स स्पोर्ट्स असोसिएशन आयोजित टीचर्स चॅम्पियन्स लीग या स्पर्धेमध्ये इरशाद शेख यांच्या एसएस आयकॉन या संघाने विजेतेपद पटकावले तर अश्विन नागणे सर यांच्या त्रिशूल या संघाला उपविजेतेपदावर समाधान मानावे लागले.
झाडे लावा झाडे जगवा ही सामाजिक बांधिलकी जपून शिक्षकांनी शिक्षकांसाठी आयोजित केलेल्या टीचर्स चॅम्पियन्स लीग या क्रिकेट स्पर्धेचे बक्षीस वितरण समारंभ दिनांक 4 जून रोजी सायंकाळी भंडारी मैदानावर उत्साहात पार पडला. यावेळी विजेता संघ एसएस आयकॉन संघ, उपविजेता संघ त्रिशूल संघ. मॅन ऑफ द सिरीज समाधान कासार सर, बेस्ट बॅट्समन समाधान कासार सर, बेस्ट बॉलर अमित माने सर, बेस्ट फिल्डर अंकुश हिरेमणकर सर यांना चषक देऊन गौरवण्यात आले.
यावेळी प्रमुख अतिथी म्हणून जागृती प्रशालेचे चे प्राचार्य विजयरत्न चव्हाण सर, जय जवान जय किसान प्रशालेचे चे प्राचार्य रवी चव्हाण सर, अहिल्याबाई प्रशाला चे मुख्याध्यापक इस्माईल शेख सर, डॉक्टर दुर्गेश बधे सर, सुमित गाडेकर सर टीचर्स स्पोर्ट्स असोसिएशनचे अध्यक्ष जयराज मडिवाळ सर, संस्थेचे सदस्य आणि समिती मेंबर उपस्थित होते. ही स्पर्धा यशस्वी करण्यासाठी प्राथमिक शिक्षण मंडळाचे पर्यवेक्षक मनीष बांगर सर यांच्या मार्गदर्शनाखाली निलेश पवार सर, रियाज नदाफ सर, सचिन क्षीरसागर सर, इस्माईल शेख सर, डॉक्टर दुर्गेश बधे सर, सुमित गाडेकर सर, जनार्धन चव्हाण सर, विष्णू वाघमारे सर, नागऋषी परिमेल्ला सर, अश्विन नागणे सर यांनी परिश्रम घेतले.
