अक्कलकोट : दिगंबरा दिगंबरा…. श्रीपाद वल्लभ दिगंबरा….श्रीक्षेत्र अक्कलकोटनिवासी श्री स्वामी समर्थ महाराज की जय…! श्री अन्नपूर्णा माता की जय..!! च्या जयघोषात श्री स्वामी समर्थ अन्नछत्र मंडळात श्रींच्या प्रकट दिनानिमित्त न्यासाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व प्रमुख कार्यकारी विश्वस्त अमोलराजे भोसले यांच्या नेतृत्वाखाली न्यासाकडून महाप्रसादाच्या व्यवस्थेने स्वामी भक्तांनी समाधान व्यक्त केले. सुमारे ५५ हजार स्वामी भक्तांनी महाप्रसादाचा लाभ घेतले.
दरम्यान न्यासाचे पुरोहित अप्पू पुजारी यांनी विधिवत पूजा, धार्मिक कार्यक्रम भक्तांच्या उपस्थितीत संपन्न झाले. त्यानंतर महाप्रसादाचा संकल्प सोडण्यात आला. यानंतर महाप्रसादास सुरुवात करण्यात आली.
महाराष्ट्रासह गोवा, कर्नाटक, आंद्रप्रदेश, तेलंगणा, मध्यप्रदेश, केरळ, गुजरात, उत्तराखंड, दिल्ली व जम्मू काश्मीर पंडीत, राजस्थान, उत्तरप्रदेश वाराणसी यासह देश व विदेशातील स्वामी भक्तांनी तीर्थक्षेत्री श्री स्वामी समर्थ अन्नछत्र मंडळात येवून महाप्रसादाचा लाभ घेतले.
स्वामी भक्तांनी अन्नछत्र मंडळाच्या परिसरात असलेल्या श्री शमी-विघ्नेह गणेश मंदिर, ब्रह्मांडनायक उभी स्वामींची मूर्ती, नियोजित महाप्रसादगृह इमारत, सध्याचे अद्यावत तात्पुरते महाप्रसादालय, कपिला गाय, कारंजा, शिवस्मारक, कार्यरत यात्री निवास-1, यात्रीभुवन-2, अतिथी गृह, आऊटडोअर व इनडोअर जीम, प्रशस्त वाहनतळ, टेकडीवरील श्री समर्थ वाटिका, शिवचरित्र प्रदर्शन हॉल, अग्निशमन, रुग्णवाहिका, आश्रयदाते कक्ष हे सर्व न्यासाचे विविध उपक्रम भक्तांच्या सेवेर्थ सुरु केलेल्या विविध उपक्रम व व्यवस्थेचे स्वागत करुन न्यासाचे कौतुक केले.
याप्रसंगी न्यासाचे उपाध्यक्ष अभय खोबरे, सचिव शामराव मोरे, अप्पा राजु नवले, प्रशांत शिंदे, शहाजीबापू यादव, सतीश महिंद्रकर, बाळासाहेब पोळ, कल्याण देशमुख, सिद्धाराम कल्याणी, एस.के.स्वामी, न्यासाचे मुख्यसुरक्षा अधिकारी महादेव आनगले, नामदेव भोसले, चंद्रकांत हिबारे, कुमार सलबत्ते, विनायक तोडकर, संजय गोंडाळ, रोहन शिर्के, निखिल पाटील, महांतेश स्वामी, समर्थ घाडगे, धनंजय निंबाळकर, गोविंदराव शिंदे, सागर याळवर आदीसह स्वामीभक्त, सेवेकरी, कर्मचारी बहुसंख्येने उपस्थित होते.
