दहावीचं हॉलतिकीट ३० हजार रुपये.. संस्थाचालकाला अटक

येस न्युज मराठी नेटवर्क : आजपासून दहावीची परीक्षा सुरु होत आहे. मात्र औरंगाबादमध्ये दहावीच्या परीक्षेचं हॉलतिकीट देण्यासाठी 30 हजार रुपये मागणाऱ्या एका संस्थाचालकाला पोलिसांनी अटक केली आहे. कलावतीदेवी चॅरिटेबल ट्रस्टचे अध्यक्ष एस. पी. जवळकर यांनी एका बहिःस्थ विद्यार्थ्यांकडे 30 हजार रुपयांची मागणी केली. हॉलतिकीट देण्यासाठी आणि परीक्षेत मदत करण्यासाठी बहिःस्थ परीक्षार्थ्याकडे त्यांनी 30 हजार रुपये मागितल्यानंतर 10 हजार रुपये स्वीकारताना त्यांना पोलिसांनी अटक केली. शाळेतील लिपिक सविता खामगावकर यादेखील लाचखोरीत सहभागी असल्यानं त्यांच्याविरोधातही गुन्हा नोंदवण्यात आला आहे.