येस न्युज नेटवर्क : शिवसेनेत बंड करणाऱ्या एकनाथ शिंदे यांच्यावर तूर्तास कोणतीही कारवाई नाही. शिवसेनेची कार्यकारिणीच्या बैठकीत हा निर्णय घेण्यात आला. एकनाथ शिंदे अजूनही शिवसेनेच्या नेतेपदी कायम राहतील. त्यामुळे त्यामुळे शिवसेना अजूनही वेट अँड वॉचच्या भूमिकेत आहे.
कार्यकारिणीच्या बैठकीत बंडखोरी करणाऱ्या एकनाथ शिंदे आणि रामदास कदम यांच्यावर कारवाई केली जाईल. त्यांना नेतेपदावरुन दूर सारलं जाईल, अशी चर्चा रंगली होती. परंतु कार्यकारिणीच्या बैठकीत असा कोणताही निर्णय झाला नाही. एकनाथ शिंदे आणि रामदास कदम यांना अभय देण्यात आलं. शिवसेनेत नेतेपद, सचिवपद अत्यंत महत्त्वाचं समजलं जातं. या दोघानांही नेतेपदावरुन हटवणं हा टोकाचा निर्णय आहे. जर त्यांच्यावर कारवाई करत नेतेपदावरुन हकालपट्टी केली असती, तर शिंदे गटाचे परतीचे दोन कापले गेले असते. त्यामुळेच त्यांना नेतेपदावर कायम ठेवून वेट अँड वॉच अशी भूमिका पक्षप्रमुख उद्धव ठाकरे यांच्यासह कार्यकारिणीतील सहकाऱ्यांनी घेतली