महापालिकेकडे नगरसेवकच फिरकेनात..!

सोलापूर महापालिकेत निवडून आलेले 102 आणि स्वीकृत नियुक्त केलेले नऊ असे असे 111 नगरसेवक आहेत. निवडून आलेल्या नगरसेवकांचे गॅजेट होऊन दोन महिन्यांचा कालावधी लोटला. महापौर तसेच उपमहापौर यांची निवड सहा फेब्रुवारी रोजी झाली. विविध विषयांची माहिती घेणे, नागरिकांचे प्रश्न समजून घेणे, नव्याने होणाऱ्या बजेट संदर्भात सहभाग नोंदवणे, प्रशासकीय कामकाज समजून घेणे या बाबीकडे नगरसेवकांनी लक्ष देणे गरजेचे आहे मात्र सध्या महापालिकेकडे नगरसेवक फिरकतच नाहीत. महापालिकेत सध्या महापौर विनायक कोंड्याल, उपमहापौर ज्ञानेश्वरी देवकर,स्थायी समितीच्या सभापती रंजीता चाकोते, सभागृह नेते नरेंद्र काळे येतात. बाकीच्या नगरसेवकांनी महापालिकेकडे पाठ फिरवली असल्याचे दिसते. भाजपचे तब्बल 87 नगरसेवक निवडून आले आहेत. त्यामुळे आम्हाला कोणीच किंमत देत नाही अशी देखील भावना भाजप नगरसेवकांची असल्यामुळे ठराविक नगरसेवक सोडले बाकीचे नगरसेवक येत नाहीत.कामकाजात सहभाग घेत नाहीत. याचे चिंतन भाजपच्या नेत्यांनी करणे गरजेचे आहे.