मुठा नदी काठच्या सर्व नागरिकांना सूचित करण्यात येत आहे, की पानशेत धरण सद्यस्थितीमध्ये 99.56% भरलेले आहे. पाणलोट क्षेत्रात सातत्याने पाऊस चालू असून धरणामध्ये मोठा येवा प्राप्त होत आहे.
धरणात प्राप्त होणारा येवा व पाणलोट क्षेत्रातील पर्जन्यमान विचारात घेऊन धरणातील पाणीसाठा नियंत्रित करणेकरिता जलविद्युत गृहातून 600 क्युसेक्स विसर्ग सुरू आहे. त्याचबरोबर सांडव्याद्वारे सुरू असलेला 9960 क्युसेक्स विसर्ग आज दुपारी 1:00 वाजता वाढवून 14080 क्युसेक्स इतका करण्यात येणार आहे .तरी नदी काठच्या सर्व नागरीकांना सूचित करण्यात येते की, कृपया कोणीही नदीपात्रात उतरू नये. तसेच नदी मधील पाण्याचे पंप, नदी काठचे शेती अवजारे व तत्सम साहित्य अथवा जनावरे असल्यास ती तात्काळ सुरक्षित ठिकाणी हलविण्यात यावित.
सखल भागातील संबंधित नागरिकांना सूचना देण्यात याव्यात, सर्वांनी योग्य ती खबरदारी व दक्षता घेत जलसंपदा विभागास व प्रशासनास सहकार्य करावे.
