सोलापूर : संशयावरून पत्नीला मारहाण करणाऱ्या शितल कुमार गायकवाड याच्याविरुद्ध विजापूर नाका पोलीस ठाण्यात फिर्याद दाखल करण्यात आली आहे . अंकिता गायकवाड हिने ही तक्रार केली आहे ओम गर्जना चौकात उद्धव नगर येथे राहणाऱ्या अंकिता हिला पती शीतल कुमार याने कोणाला फोन केला व कशासाठी केला? असे विचारत केसाला धरून जमिनीवर आपटले होते. तसेच नाकावर जोरात मारून जीवे मारण्याची धमकी दिल्याचे फिर्यादीत म्हटले आहे. पोलीस नाईक सोनार अधिक तपास करीत आहेत.
पती व सासू-सासर्यांनी विरुद्ध जाचहाट केल्याची तक्रार…
उत्तर सोलापूर तालुक्यातील बेलवाडी येथील शेंडगे वस्ती येथे राहणाऱ्या शोभा यशवंत कोल्हे या विवाहितेने पती सासू-सासरे यांच्याविरुद्ध मारहाण -60 केल्याची तक्रार सलगर वस्ती पोलिस ठाण्यात केली आहे पती यशवंत कोले , सासू शकुबाई कोले, सासरे भीमराव कोले आणि मावस मामा आप्पा शेंडगे यांनी संगनमत करून माहेरुन एक लाख रुपये आणण्याची मागणी करीत शिवीगाळ व दमदाटी केल्याचे तक्रारीत म्हटले आहे.
घराचे कुलूप तोडून 33 हजारांचे दागिने व रोख रक्कम लंपास…
गांधीनगर येथील गोंधळे वस्ती येथे राहणाऱ्या नागेश अंबाजी कुचन यांच्या बंद घराचे कुलूप तोडून अज्ञात चोरट्याने 28 ऑगस्ट रोजी वीस हजार रुपये रोख व साडेसात हजार रुपयांचे सोन्याचे दागिने चोरून नेल्याची फिर्याद एमआयडीसी पोलिस ठाण्यात करण्यात आली आहे. पोलीस हवालदार गायकवाड अधिक तपास करीत आहेत.
घरातील दोन मोबाईल चोरले..
विजापूर रस्त्यावरील कमला नगर येथे राहणाऱ्या सुरेश पवार यांच्या घरातून उघड्या दरवाजातून प्रवेश करून अज्ञात चोरट्याने 18 हजार रुपये किमतीचे दोन मोबाईल चोरल्याची तक्रार विजापूर नाका पोलीस ठाण्यात करण्यात आली आहे. याप्रकरणी पोलीस नाईक निकम अधिक तपास करीत आहेत.
