आ. प्रणिती शिंदे यांच्या विनंतीवरून नाना पटोले यांनी दिले स्वतःचे हेलिकॉप्टर

सोलापूर : आज दिनांक 13 मार्च 2022 रोजी तुकाराम दासी, रा. सुनिल नगर, एम. आय. डी. सी. सोलापूर येथील रहिवसी असून त्यांनी आमदार प्रणिती शिंदे यांना भेटून त्यांची लहान मुलगी कु. उंजल तुकाराम दासी (वय 4 वर्षे) याला हृदय विकाराच्या आजार असून त्याची तात्काळ शस्त्रक्रिया करणे अत्यंत गरजेचे असून त्याची शस्त्रक्रिया लवकरात लवकर करण्यात यावी अशी मागणी केली होती. त्यानुसार आमदार प्रणिती शिंदे यांनी नाना पटोले यांना कु. उंजल दासी हिला उपचारासाठी पाठविण्याकरीता स्वतःचे हेलिकॉप्टर देण्याची विनंती केली. त्यानुसार मा. नाना पटोले यांनी स्वतःचे हेलिकॉप्टर कु. उंजल तुकाराम दासी याला मुंबई येथे हृदय विकाराच्या उपचाराकरीता पाठविले व स्वतः रेल्वेले मुंबईला जाण्याचा निर्णय घेतला.