सावधान..! जिल्ह्यातील सर्व पेट्रोल पंपांची होणार तपासणी, जिल्हाधिकाऱ्यांचे आदेश । Solapur Petrol Pump

सोलापूर शहर जिल्ह्यात कुठेही पेट्रोल आणि डिझेलची कृत्रिम टंचाई होऊ नये यासाठी जिल्हाधिकारी एस कार्तिकेयन यांनी पंढरपुरात मंगळवारी दुपारी शहा पेट्रोल पंपावर धाड टाकून तपासणी केली. या तपासणीमध्ये काहीही गैर आढळून आले नाही मात्र टंचाईच्या पार्श्वभूमीवर काही ठिकाणी पेट्रोल डिझेलमध्ये काटा मारला जातो की काय याची शंका असल्यामुळे जिल्ह्यातील तहसीलदार तसेच वजन मापे निरीक्षक यांच्याकडून जिल्ह्यातील 420 पेट्रोल पंपाचे कॅलिब्रेशन करावे असे आदेश दिले असल्याची माहिती एस कार्तिकेयन यांनी येस न्यूज मराठीशी बोलताना दिली. त्यामुळे आता सोलापूर जिल्ह्यातील सर्व पेट्रोल पंपाची तपासणी होणार आहे. जिल्ह्यात कुठेही पेट्रोल आणि डिझेलची टंचाई नाही असा पुनरुच्चार आज जिल्हाधिकाऱ्यांनी केला.