सोशल मीडियातून अजित पवार झाले ट्रोल.. पुण्यात मोहोळ विरुद्ध पवार

अजित पवार यांच्यावर तब्बल 72 हजार कोटी रुपयांचा सिंचन घोटाळ्याचा आरोप पुन्हा नव्याने चर्चेत आला आहे. गेल्याच आठवड्यात केंद्रीय हवाई राज्यमंत्री मुरलीधर मोहोळ विरुद्ध धंगेकर यांच्यामुळे मोहोळकरांचे कारनामे उघड झाले होते आणि भाजपावर बॅकफूटवर गेला होता. आता अजित पवार यांच्या मुलाचे प्रकरण बाहेर आल्यामुळे भाजप कार्यकर्त्यांना गुदगुल्या होऊ लागल्या आहेत. महार वतनाची 1800 कोटी रुपयांची जमीन अजित पवार यांचे पुत्र पार्थ पवार यांना अवघ्या तीनशे कोटी रुपये मध्ये दिली कशी हा प्रश्न आहे. हा तीनशे कोटी रुपयांचा व्यवहार केवळ पाचशे रुपयांचे मुद्रांक शुल्क आणि तीस हजार रुपयांची नोंदणी शुल्क भरून करण्यात आला यामुळे शासनाचे सहा कोटी रुपयांचे नुकसान झाले. अमेडीया ही कंपनी पार्थ पवार आणि त्यांचे नातेवाईक दिग्विजय पाटील यांची आहे. स्थानिक स्वराज्य संस्था निवडणुकीच्या तोंडावर अजितदादा च्या पाठीमागे शनि लागण्याची चिन्हे आहेत. विरोधक अजित पवार यांच्या राजीनाम्याची मागणी करत आहे तर पवार कुटुंब पार्थ पवार यांची पाठ राखण करीत आहेत. याप्रकरणी तिघांवर गुन्हा दाखल करण्यात आला मात्र पार्थ पवार यांच्यावर नाही. त्यामुळे अजित पवार सोशल मीडियाच्या माध्यमातून चांगलेच ट्रोल होऊ लागली आहेत. अजितदादांच्या समोरील अडचणी वाढल्या असून भाजपने देखील चांगलीच कोंडी निर्माण केली आहे त्यामुळे आता काय कारवाई होणार याची उत्सुकता महाराष्ट्राला लागली आहे