येस न्युज मराठी नेटवर्क : सोलापूर महानगरपालिकेच्या दुहेरी पाईपलाईन संदर्भात भूसंपादनाची प्रक्रिया पूर्ण करण्याबाबत लागणारे 130 कोटी निधीबाबत आज उपमुख्यमंत्री अजित पवार यांनी व्हिडीओ कॉन्फरन्स द्वारे बैठक आयोजित केली होती. या बैठकीस जलसंपदा मंत्री जयंत पाटील, नगर विकास मंत्री एकनाथ शिंदे, तसेच मुख्य सचिव व सोलापूरचे महापौर श्रीकांचना यन्नम,आमदार प्रणिती शिंदे यांच्यासमवेत जिल्हाधिकारी मिलिंद शंभरकर, आयुक्त पी.शिवशंकर व सर्व गटनेते उपस्थित होते. यावेळी महापौर श्रीकांचना यन्नम यांनी उपमुख्यमंत्री अजित पवार यांना सोलापूर महानगरपालिकेची परिस्थिती बिकट असल्याकारणाने भूसंपादनासाठी लागणारे एकशे तीस कोटी निधी आम्हाला शासनाकडून उपलब्ध करून द्यावे तसेच उजनी ते सोलापूर दुहेरी पाईपलाईन करण्यासाठी विविध अडचणी आहेत त्या अडचणी आम्हाला त्वरित सोडविण्यासाठी विनंती केली. यावेळी उपमुख्यमंत्री अजित पवार यांनी सकारात्मक भूमिका घेत आहेत भूसंपादनासाठी लागणारे रक्कम यासाठी मुख्य सचिव, आयुक्त, जिल्हाधिकारी व महापौर यांची एक कमिटी करून त्या कमिटी माध्यमातून भूसंपादनासाठी लागणारे निधी किती लागणार आहे याचा एक अंदाज घेऊन तो आम्हाला कळववा आपल्याला निधी आम्ही मंजूर करू असे आश्वासन दिले. तसेच महापौर यांनी प्रशासन हे महापालिकेच्या महापौरांचा अथवा पदाधिकाऱ्यांना विश्वासात घेत नसल्याचे सांगितले यावेळी अजित पवार यांनी जे अधिकारी आपले ऐकत नसतील त्यांच्यावर अविश्वास ठराव आणावा तो आम्ही मंजूर करू असे या बैठकीत म्हणाले.यावेळी महापौर यांनी सोलापूरला जास्ती जास्त निधी उपलब्ध करून द्यावी अशी विनंती उपमुख्यमंत्री अजित पावर यांना केली.
