येस न्युज मराठी नेटवर्क । सध्या पेट्रोल आणि डिझेलचे दर उच्चांकी स्तरावर आहेत. नव्या वर्षात कंपन्यांनी दरवाढीचा सपाटा लावला आहे. ज्यामुळे पेट्रोलने आतापर्यंतचा उच्चांक गाठला आहे.जागतिक बाजारातील महागाईचे कारण पुढे करून पेट्रोलियम कंपन्यांनी इंधन दरवाढीचा सपाटा लावला आहे. २०२१ च्या पहिल्या महिन्यात पेट्रोल आणि डिझेलमध्ये आठ वेळा दरवाढ झाली आहे. यात पेट्रोल आणि डिझेल सरासरी २ रुपयांनी महागले आहे.आज रविवारी कंपन्यांनी इंधन दर स्थिर ठेवले आहेत. आज पेट्रोल आणि डिझेलमध्ये कोणताही बदल झाला नाही. गेल्या वर्षातील दुसऱ्या सहामाहीत पेट्रोलमध्ये सरासरी १५ रुपयांची वाढ झाली आहे. तर डिझेल १३ रुपयांनी महागले आहे.
