येस न्युज मराठी नेटवर्क : भाजप आमदार प्रसाद लाड यांनी आज मनसे अध्यक्ष राज ठाकरे यांची भेट घेतली. या भेटीनंतर भाजप-मनसेच्या जवळीकीची चर्चा पुन्हा सुरु झाली आहे. मुंबई महापालिकेवर भाजपचा भगवा फडकवण्याचा निर्धार विरोधी पक्षनेते देवेंद्र फडणवीस यांनी यापूर्वी केला आहे. मुंबई महापालिकेची निवडणूक पुढील वर्षी होत आहे. मात्र त्यासाठी भाजपने आतापासूनच रणनीती आखण्यास सुरुवात केल्याचं दिसतंय. राज्यात शिवसेने सोडलेल्या साथीनंतर, भाजपने आक्रमक पवित्रा घेतला आहे. त्यासाठीच शिवसेनेची मुंबई महापालिकेतील सत्ता उलथवून टाकण्यासाठी भाजप शक्य ते सर्व करेल, असा निर्धार भाजप आमदार प्रसाद लाड यांनी बोलून दाखवला आहे.
