पंढरपूरच्या कॉरिडोर संदर्भात ही महत्त्वाची अपडेट…!

पंढरपूरच्या कॉरिडॉरच्या भूसंपादन प्रक्रियेला आता प्रत्यक्ष सुरुवात झाली आहे. बाधित मालमत्ताधारकांची संमती घेऊन खासगी वाटाघाटीद्वारे जमीन संपादित करण्याची प्रक्रिया सुरू करण्यात आली आहे. पंढरपुरात सुरू करण्यात आलेल्या विशेष भूसंपादन कार्यालयात नागरिकांकडून संमतीपत्रे घेतली जात आहेत. मालमत्तांची प्रत्यक्ष पाहणी आणि मोजणी करण्यासाठीही परवानगी घेतली जात आहे. जिल्हाधिकारी एस. कार्तिकेयन यांनी यांनी देखील हा प्रकल्प लवकर होण्यासाठी प्रयत्न सुरू केले आहेत.कॉरिडॉर भूसंपादनासाठी सुमारे २,४०० हरकती प्राप्त झाल्या होत्या.बाधित नागरिकांचे म्हणणे ऐकून पुनर्वसन व मोबदल्याचे पॅकेज तयार करण्यात आले .घर बाधित झाल्यास घर….आणि दुकान बाधित झाल्यास दुकान देण्याचे नियोजन आहे. प्रकल्पासाठी शासनाकडून सुरुवातीला १०० कोटी रुपयांचा निधी मिळाला असून सुमारे 5000 कोटी रुपयांचा हा प्रकल्प आहे. त्यामुळे पंढरपूरच्या कॉरिडॉर वेळेत पूर्ण करण्यासाठी प्रशासनाने कंबर कसली आहे.