दीड महिन्यात संपेल चारा-पाणी, डिसेंबर पासून भयानक परिस्थिती…!

यंदाच्या वर्षी राज्यात दुष्काळाची गडद छाया दिसू लागली आहे. त्यामुळे मोठ्या प्रमाणावर टँकरची मागणी आतापासूनच होऊ लागली आहे. सोलापूर जिल्ह्यात टँकरची संख्या सव्वाशे च्या पुढे पोहोचली आहे. हीच संख्या एप्रिल मे मध्ये 600 च्या वर जाईल अशी चिंता आहे. जिल्ह्यात लहान आणि मोठी मिळून सुमारे 18 लाख जनावरे आहेत. त्यांच्यासाठी दररोज सरासरी 21000 मॅट्रिक टन एवढा चारा लागतो. कृषी विभागाच्या ताज्या आकडेवारीनुसार अवघा 45 दिव्य पुरेल एवढाच चारा शिल्लक आहे. त्यामुळे डिसेंबर पासून ते जून अखेर पर्यंत सात महिने पशुधन वाचवायचे कसे, त्यांना पाणी द्यायचे कुठून याचे मोठे कोडे आहे. सोलापूर जिल्हा परिषदेच्या माध्यमातून जलजीवन मिशनद्वारे सुमारे 800 कोटींची कामे करण्यात आली त्या गावात देखील टँकर सुरू झाला हे दुर्दैव. महाराष्ट्र जीवन प्राधिकरणाच्या अनेक योजना देखील करोडो रुपये खर्चून बंद झाल्या. दुष्काळाची चाहूल सुरू झाल्यानंतरच या सर्व गोष्टी प्रशासन आणि शासनाला दिसतात. त्यामुळे दुष्काळावर दीर्घकालीन उपाययोजना कोणीच करत नाही. कारण, दुष्काळ आवडे सर्वांना….!