सोलापूर : महाराष्ट्र माजी सैनिक महामंडळ मर्या., क्षेत्रीय कार्यालय, सोलापूर यांच्या माध्यमातून श्री छत्रपती शिवाजी महाराज सर्वोपचार रुग्णालय, सोलापूर येथे महिला सुरक्षा रक्षकांची ६ पदे तातडीने भरण्यात येणार आहेत. या पदांसाठी सोलापूर जिल्ह्यातील वीर नारी, माजी सैनिकांच्या विधवा पत्नी, माजी सैनिकांच्या पत्नी, माजी सैनिक पाल्य तसेच माजी सैनिक आश्रित यांना संधी उपलब्ध करून देण्यात आली आहे.
या संधीचा इच्छुकांनी लाभ घ्यावा व आपली नावे तात्काळ जिल्हा सैनिक कल्याण कार्यालय, सोलापूर येथे नोंदवावीत, असे आवाहन जिल्हा सैनिक कल्याण अधिकारी, मेजर मिलिंद तुंगार सोलापूर यांनी प्रसिध्दी पत्रकान्वये केले आहे. या पदांबाबत अधिक माहितीसाठी जिल्हा सैनिक कल्याण कार्यालय, सोलापूर यांच्या ०२१७-२९९२३३ या दूरध्वनी क्रमांकावर संपर्क साधावा.
