एकल महिलांचा सर्वे करण्यास सोलापूर महापालिका उदासीन…!

राज्यभरात सर्वत्र एकल महिलांचा म्हणजेच एकट्या राहणाऱ्या महिलांचा सर्वे करावा असे आदेश शासनाने दिले आहेत. डाटा संकलित झाल्यानंतर त्यानुसार अशा एकल महिलांसाठी धोरण ठरविता येणार आहे. यासाठी सर्वेक्षण करणे अत्यंत गरजेचे आहे. शासनाने याबाबत आदेश देखील दिले. मात्र तोकडी यंत्रणा आणि सुस्पष्ट आदेश नसणे.. शिवाय कशा पद्धतीने सर्वे करावा त्याचा फॉरमॅट काय.याबाबत एकसूत्रीपणा नाही. याच विषयाच्या अनुषंगाने शासनाच्या एकल महिला समितीच्या सदस्य पदी नियुक्ती झाल्यानंतर उत्तरा बर्डे बचुटे यांनी महापालिका अतिरिक्त आयुक्त वीणा पवार यांची भेट घेऊन सविस्तर चर्चा केली. महापालिकेच्या सर्व विभागाची यंत्रणा कामाला लावून तसेच महापालिकेच्या दवाखान्यात शिबिरे लावून अशा एकल महिलांची नोंद करावी अशी मागणी बरडे यांनी यावेळी केली. महापालिका आयुक्त सचिन ओंबासे यांनी याबाबत आता अधिकाऱ्यांना कालमर्यादा निश्चित करून फास्ट ट्रॅक मोड वरती एकल महिलांचा सर्वे करण्याची मागणी होत आहे.