ऑनलाईन बुकिंग केल्यानंतरच खत मिळणार.
येस न्यूज नेटवर्क: खत खरेदी प्रक्रिया सुलभ करून शेतकऱ्यांना आवश्यक खत सहज उपलब्ध व्हावं आणि लिंकिंग आदी गैरप्रकारांना आळा बसावा या उद्देशाने सोलापूर जिल्ह्यात २५ सप्टेंबरपासून ‘फ्रेमवर्क फॉर फर्टिलायझर सेल’ प्रणाली लागू करण्यात येणार आहे. या प्रणालीद्वारे शेतकऱ्यांना मोबाईलवरून जवळच्या केंद्रातील खतसाठा पाहता येणार असून, आवश्यकतेनुसार आगाऊ बुकिंगही करता येणार आहे.
‘एफएफएस’ प्रणाली फार्मर आयडीशी जोडलेली असल्याने शेतकऱ्याचे क्षेत्रफळ आणि राज्यातील विविध ठिकाणी केलेल्या खत खरेदीची माहिती उपलब्ध राहणार आहे. त्यामुळे अतिरिक्त खत खरेदीवर नियंत्रण ठेवण्यासह वितरणात पारदर्शकता वाढण्यास मदत होणार आहे.
“‘एफएफएस’मुळे खत वाटप अधिक पारदर्शक आणि विनालिंकिंग होणार आहे. शेतकऱ्यांनी नवी प्रक्रिया समजून घेऊन त्यानुसारच खत खरेदी करावी. या तंत्रज्ञानाचा लाभ घेऊन वेळ आणि पैसा वाचवावा,”
हरिदास हावळे .
जिल्हा कृषी विकास अधिकारी
