नळदुर्ग येथील ऐतिहासिक किल्ल्यातील सर्वांत उंच असलेल्या उपली बुरुजावरून एका महिलेने आपल्या तीन लहान मुलांसह १५० फूट खोल दरीत उडी मारली. ही घटना गुरुवारी तीन सप्टेंबर रोजी दुपारी घडली. या घटनेत अश्विनी मनोहर पौळ (वय ३०) आणि त्यांचा साडेपाच वर्षांचा मुलगा अजिंक्य मनोहर पौळ यांचा जागीच मृत्यू झाला.
अश्विनी यांच्या अडीच वर्षांच्या जुळ्या मुली वीरा मनोहर पौळ आणि क्रांती मनोहर पौळ या गंभीर जखमी झाल्या आहेत. दोन्ही मुलींवर प्राथमिक उपचार केल्यानंतर त्यांना पुढील उपचारासाठी धाराशिव येथील शासकीय रुग्णालयात हलविले असून, त्यांची प्रकृती गंभीर आहे.पोलिसांकडून पुढील तपास सुरू.
कुस्ती क्षेत्रात अश्विनी पौळ यांची ओळख ‘महाराष्ट्राची वाघीण’ म्हणून होती. त्यांनी चेन्नई, तिरुवनंतपुरम आणि गुरुदासपूर येथील राष्ट्रीय कुस्ती स्पर्धांमध्ये सुवर्णपदके पटकावून महाराष्ट्राचा गौरव वाढवला होता.
