पालकमंत्र्यांच्या हस्ते जिल्हाधिकारी कार्यालयाच्या प्रांगणात मुख्य शासकीय ध्वजारोहण होणार

सोलापूर- राज्याचे ग्रामविकास व पंचायतराज मंत्री तथा सोलापूर जिल्ह्याचे पालकमंत्री जयकुमार गोरे यांच्या हस्ते भारताचा 80 वा स्वातंत्र्य दिनाचा मुख्य शासकीय ध्वजारोहण समारंभ दिनांक 15 ऑगस्ट 2025 रोजी सकाळी 9.05 वाजता नवीन जिल्हाधिकारी कार्यालयाच्या प्रांगणात होणार आहे. तरी या समारंभासाठी सर्व अधिकारी, कर्मचारी यांनी राष्ट्रीय पोषाखात नियोजित वेळेपूर्वी 15 मिनिटे अगोदर यावे, असे आवाहन निवासी उपजिल्हाधिकारी अभिजीत पाटील यांनी केले आहे.