सोलापूर: गुरुपौर्णिमेनिमित्त येथील तुळजापूर रस्त्यावरील हिप्परगा शिवारातील समाधान आश्रमात गुरु पूजन आणि आराधना महोत्सवाचे आयोजन करण्यात आले आहे. मौनतपस्वी परमपूज्य श्वेतशिव श्री जडेय शांतलिंगेश्वर महास्वामीजी यांच्या पावन सानिध्यात हा सोहळा बुधवार २९ जुलै रोजी होत आहे. बुधवारी पहाटे शिवपूजन ईस्टलिंग पूजा होणार आहे. त्यानंतर गुरुपूजन होईल. तुलभार सेवाही होणार आहे.
गुरुभक्ती, गुरुस्मरण आणि गुरुकृपेचा पावन अनुभव देणाऱ्या या सोहळ्यात महाराष्ट्र सह कर्नाटक आणि तेलंगणातील भक्त मोठ्या संख्येने सहभागी होत आहेत. श्वेतशिव परमपूज्य जडे शांत लिंगेश्वर महास्वामीजी यांच्या पवित्र उपस्थितीत दरवर्षी सोलापूर समाधान आश्रमात गुरुपौर्णिमा सोहळा होतो. याशिवाय आश्रमात वर्षभर विविध कार्यक्रम होतात. गुरु पौर्णिमा सोहळ्यामध्ये महास्वामीजींच्या पूजनाचा आणि दर्शनाचा लाभ मिळणार असल्याने भक्तांचा मोठा सहभाग असतो.
या पावन पर्वात नागरिकांनी आपल्या कुटुंबीयांसह बच्चे कंपनीसह सहभागी होऊन पूज्य गुरुदेवांचा कृपाशीर्वाद तसेच महाप्रसादाचा लाभ घ्यावा, असे आवाहन समाधान परिवाराकडून करण्यात आले आहे. आश्रमात येण्यासाठी सोलापूर बसस्थानक आणि रेल्वे स्थानक येथून आश्रम पर्यत वाहतूक सुविधा आहे. तुलाभारसेवा आणि गुरुपौर्णिमा सोहळा यशस्वी करण्यासाठी मल्लिनाथ बिराजदार: +91 94224 59646 राजशेखर शेट्टट्टी: +91 94224 58722 सिद्धेश्वर किणगी 94202 13333 यांच्याशी संपर्क करण्याचे आवाहन समाधान परिवाराने केले आहे.
