सोलापूर : प्रिसिजन कॅमशाफ्ट्स लिमिटेड (PCL) ने औद्योगिक सुरक्षा, पर्यावरण संवर्धन आणि शाश्वत विकासाच्या क्षेत्रातील उल्लेखनीय कामगिरीच्या बळावर यावर्षीचा प्रतिष्ठेचा ‘ET NOW Machinist Super Shopfloor Award 2026’ पटकावला आहे. Environmental, Social and Governance (ESG) या विभागातील Medium Enterprise Segment मध्ये कंपनीला ‘1st Runner-Up’ हा राष्ट्रीय सन्मान प्रदान करण्यात आला.
देशातील ऑटोमोबाईल उद्योगातील उत्कृष्ट कामगिरी करणाऱ्या कंपन्यांचा गौरव करण्यासाठी The Times Group, Worldwide Media आणि ET NOW यांच्या संयुक्त विद्यमाने हा प्रतिष्ठेचा पुरस्कार दरवर्षी प्रदान केला जातो. कठोर तांत्रिक, व्यवस्थापन आणि कार्यपद्धतीच्या मूल्यमापनानंतर प्रिसिजन कॅमशाफ्ट्स लिमिटेडची या पुरस्कारासाठी निवड करण्यात आली.
विशेष म्हणजे, 2024, 2025 आणि 2026 या सलग तीन वर्षांमध्ये ‘ET NOW Machinist Super Shopfloor Award’ मिळविण्याची हॅट्रिक साधणाऱ्या मोजक्या भारतीय कंपन्यांमध्ये प्रिसिजन कॅमशाफ्ट्स लिमिटेडने स्थान मिळवले आहे. या सातत्यपूर्ण यशामुळे औद्योगिक सुरक्षा, पर्यावरण संवर्धन आणि शाश्वत विकासाच्या क्षेत्रातील उत्कृष्टतेची कंपनीची परंपरा पुन्हा एकदा राष्ट्रीय स्तरावर अधोरेखित झाली आहे.
या उल्लेखनीय यशामागे कंपनीच्या वरिष्ठ व्यवस्थापनाचे दूरदृष्टीपूर्ण नेतृत्व, प्रभावी सुरक्षा व्यवस्थापन प्रणाली तसेच सुरक्षा विभागासह सर्व विभागांतील अधिकारी आणि कर्मचाऱ्यांचे सातत्यपूर्ण योगदान महत्त्वाचे ठरले आहे. सुरक्षित कार्यसंस्कृती, पर्यावरणीय जबाबदारी आणि शाश्वत विकासाच्या सर्वोच्च मानकांचे कंपनीने सातत्याने पालन केल्याची ही राष्ट्रीय स्तरावरील दखल मानली जात आहे.
पुणे येथील द वेस्टिन हॉटेलमध्ये उद्योग क्षेत्रातील मान्यवरांच्या उपस्थितीत झालेल्या दिमाखदार सोहळ्यात हा पुरस्कार प्रदान करण्यात आला. प्रिसिजन कॅमशाफ्ट्स लिमिटेडच्या वतीने सुहास पाटील (Senior Safety Manager), अमित पाटील (Senior Officer – Safety) आणि ऋषिकेश शिंदे (Environment Officer) यांनी हा पुरस्कार स्वीकारला.
औद्योगिक सुरक्षेतील जागतिक दर्जाच्या कार्यपद्धती, पर्यावरणीय नियमांचे काटेकोर पालन, शाश्वत विकासासाठीची बांधिलकी, प्रभावी ESG व्यवस्थापन तसेच सातत्यपूर्ण सुधारणा यांचा गौरव म्हणून हा पुरस्कार प्रदान करण्यात येतो.
“सुरक्षा आणि पर्यावरणाचे रक्षण, हेच आपले कार्यव्रत” या ब्रीदवाक्याशी एकनिष्ठ राहून प्रिसिजन कॅमशाफ्ट्स लिमिटेड भविष्यातही औद्योगिक सुरक्षा, गुणवत्ता, पर्यावरण संवर्धन आणि शाश्वत विकासाच्या क्षेत्रात उत्कृष्टतेची नवी शिखरे गाठण्यासाठी कटिबद्ध असल्याचे कंपनीने यावेळी स्पष्ट केले.
“हा सन्मान संपूर्ण प्रिसिजन परिवाराचा”
याप्रसंगी कंपनीचे चेअरमन आणि व्यवस्थापकीय संचालक यतीन शहा म्हणाले, “हा सन्मान कोणत्याही एका विभागाचा किंवा व्यक्तीचा नसून संपूर्ण प्रिसिजन परिवाराच्या सामूहिक प्रयत्नांचा, शिस्तबद्ध कार्यपद्धतीचा आणि सुरक्षिततेप्रती असलेल्या दृढ बांधिलकीचा गौरव आहे. कंपनीतील प्रत्येक कर्मचारी, अधिकारी आणि व्यवस्थापनाने सुरक्षा, गुणवत्ता आणि पर्यावरण संवर्धनाला सर्वोच्च प्राधान्य दिल्यामुळेच आम्हाला सलग तिसऱ्या वर्षी हा राष्ट्रीय सन्मान प्राप्त झाला आहे. भविष्यातही जागतिक दर्जाच्या मानकांचे पालन करत उत्कृष्टतेची ही परंपरा अधिक बळकट करण्यासाठी आम्ही कटिबद्ध आहोत.”
