सोलापूर महानगरपालिकेच्या पर्यावरण संवर्धन विभागामार्फत श्री सिद्धेश्वर तलावाच्या राज्य सरोवर संवर्धन योजनेअंतर्गत संवर्धन व सुशोभीकरणाच्या अनुषंगाने आज क्रांतीज्योती सावित्रीबाई फुले सभागृह येथे महापौर विनायक कोंड्याल यांच्या अध्यक्षतेखाली बैठक आयोजित करण्यात आली.
बैठकीत श्री सिद्धेश्वर तलावाची सद्यस्थिती, राज्य सरोवर संवर्धन योजनेअंतर्गत सुरू असलेली कामे, तलावाच्या डीपीआर (DPR) संदर्भात Primove Consultancy यांचे सादरीकरण तसेच Maple EM-1 द्वारे राबविण्यात येणाऱ्या लिक्विड बायोरिमेडिएशन तंत्रज्ञानाबाबत सविस्तर चर्चा करण्यात आली. तलाव संवर्धन, जलगुणवत्ता सुधारणा, पर्यावरणीय संतुलन राखणे व भविष्यातील सुशोभीकरणाच्या उपाययोजनांबाबत मान्यवरांनी आपले अभिप्राय व सूचना मांडल्या.
या बैठकीस उपमहापौर ज्ञानेश्वरी देवकर सभागृह नेते नरेंद्रजी काळे, स्थायी समिती सभापती रंजीता चाकोते, नगरसेविका रोहिणी तडवळकर, आयुक्त डॉ. सचिन ओम्बासे, श्री सिद्धेश्वर देवस्थान समितीचे अध्यक्ष धर्मराज काडादी, देवस्थान समितीचे उपाध्यक्ष, उपायुक्त आशिष लोकारे, सहायक आयुक्त शशिकांत भोसले, कार्यकारी अभियंता व्यंकटेश चौबे, रामचंद्र पेंटर, पर्यावरण अधिकारी अक्षय मोरे, स्वप्निल सोलनकर, निखिल मोरे (उपप्रादेशिक अधिकारी, महाराष्ट्र प्रदूषण नियंत्रण मंडळ), सूरज सुतार (Primove Consultancy), इंद्रजीत पाटील (Maple EM-1) तसेच संबंधित विभागांचे अधिकारी व मान्यवर उपस्थित होते.बैठकीत प्राप्त झालेल्या सूचनांनुसार सिद्धेश्वर तलावाच्या संवर्धन व सुशोभीकरणासाठी आवश्यक त्या उपाययोजना प्रभावीपणे राबविण्याबाबत निर्णय घेण्यात आला.महापौर विनायक कोंड्याल यांनी “श्री सिद्धेश्वर तलाव हा सोलापूर शहराची सांस्कृतिक, धार्मिक आणि पर्यावरणीय ओळख आहे. राज्य सरोवर संवर्धन योजनेच्या माध्यमातून तलावाचे वैज्ञानिक पद्धतीने संवर्धन, जलगुणवत्तेत सुधारणा आणि परिसराचे सर्वांगीण सुशोभीकरण करण्यासाठी महानगरपालिका कटिबद्ध आहे. सर्व संबंधित विभाग, तज्ज्ञ संस्था आणि नागरिकांच्या सहकार्याने सिद्धेश्वर तलाव अधिक स्वच्छ, सुंदर आणि पर्यावरणपूरक बनविण्यासाठी प्रभावी उपाययोजना राबविण्यात येतील.”
