पुणे आणि पिंपरी-चिंचवड परिसरात खळबळ उडवून देणाऱ्या विषारी दारू विक्री प्रकरणाची गंभीर दखल घेत पुणे आणि पिंपरी-चिंचवडच्या पोलीस आयुक्तांनी मोठी कारवाई केली आहे. कर्तव्यात निष्काळजीपणा दाखवल्याबद्दल आणि पर्यवेक्षणाचा अभाव असल्याचा ठपका ठेवत एकूण 4 पोलीस अधिकारी आणि 5 पोलीस कर्मचाऱ्यांना तात्काळ निलंबित करण्यात आले आहे. या धडक कारवाईमुळे पोलीस वर्तुळात प्रचंड खळबळ उडाली आहे.
संजय मोगले (वरिष्ठ पोलीस निरीक्षक, हडपसर पोलीस स्टेशन, पुणे शहर)
हसिना शिकलगार (सहाय्यक पोलीस निरीक्षक, हडपसर पोलीस चौकी, पुणे शहर)
हसन मुलाणी (पोलीस उपनिरीक्षक, गुन्हे शोध पथक, हडपसर पोलीस स्टेशन, पुणे शहर)
विजय वाघमारे (वरिष्ठ पोलीस निरीक्षक, दापोडी पोलीस ठाणे)
राजू भास्कर (फौजदार तथा तपास पथक प्रमुख)
जयदीप सोनवणे (पोलीस कर्मचारी)
नवनाथ पोटे (पोलीस कर्मचारी)
सागर जाधव (पोलीस कर्मचारी)
विशाल काळे (पोलीस कर्मचारी)
या अधिकाऱ्यांच्या कार्यकाळात आणि हद्दीत अवैध व विषारी दारूची विक्री सुरू असताना त्यावर योग्य ती कारवाई न झाल्याने ही कारवाई करण्यात आली आहे.
