ऑलिम्पिक डाइविंग जज्ज .मयूर व्यास यांचे सोलापूरात आगमन..
सोलापूर येथील मार्केंडेय जलतरण तलाव येथे महाराष्ट्र स्टेट जूनियर अँड सब जूनियर अक्वेटिक चैम्पियनशिप २०२६, डाइविंग ही स्पर्धा दि. ३० व ३१ मे दरम्यान पार होणार आहे. या स्पर्धेसाठी ऑलिंपिक डाइविंग जज्ज, हाई डाइविंग ऑफ वर्ल्ड एक्वेटिक व डाइविंग ऑफ आशिया एक्वेटिक चे टेक्निकल कमिटी मेंबर, स्विमिंग फेडरेशन ऑफ इंडिया च्या टेक्निकल कमिटीचे चेयरमैन आणि महाराष्ट्र स्टेट कॉर्डिनेशन कमिटी चे मेंबर मयूर व्यास हे खासकरून उपस्थित राहणार असून, त्यांच्याच मार्गदर्शनाखाली ही स्पर्धा संपन्न होणार आहे. या स्पर्धेसाठी त्यांचे आज दुपारी विमानाने मुंबईहून सोलापूर विमानतळावर आगमन झाले. यावेळी सोलापुरातील न्यूज़ चैनल येस न्यूज़ मराठी चे संपादक शिवाजी सुरवसे यांनी येस न्यूज़ मराठी चा विशेषांक देऊन तर डाइविंग कोच श्रीकांत शेटे, केशव शिंदे तसेच अड अभिजित बरडे, प्रताप सूर्यवंशी यांनी पुष्पगुच्छ देऊन स्वागत केले. व्यास सर यांनी सन २०१६ व २०२१ च्या ऑलिम्पिक स्पर्धेत त्यांनी जज्ज म्हणून मोठी भूमिका बजावली आहे. तसेच भारतात डाइविंग हा खेळ मोठ्या प्रमाणात खेळला जावा यासाठी ते कायम प्रयत्नशील आहेत. या स्पर्धेत महाराष्ट्रातून अंडर १४, अंडर १७, अंडर १९ वयोगटातील एकूण ४० ते ५० मुल मुली आपला सहभाग नोंदविणार आहेत. या स्पर्धेच्या माध्यमातून डाइविंग या साहसी खेळाचे दर्शन सोलापुरातील नागरिकांना पहावयास मिळणार आहे.
या खेळाबद्दल मयूर व्यास यांना विचारले असता त्यांनी सांगितले की, ऑलिम्पिक मध्ये समावेश असलेल्या डाइविंग सारख्या साहसी खेळाचा प्रसार आणि प्रसार लहान मोठ्या शहरात, खेडोपाडी होणे ही काळाची गरज आहे, त्यामुळे या खेळाचा प्रसार वाढावा आणि मुलामुली मध्ये या खेळाबद्दलची ओढ निर्माण व्हावी, यासाठी यावर्षीची ही स्पर्धा सोलापुरात घेतली जात आहे. या संपूर्ण स्पर्धेचे आयोजन स्विमिंग फेडरेशन ऑफ इंडिया
नियुक्त महाराष्ट्र स्टेट एक्वेटिक्स कॉर्डिनेशन कमिटी यांनी सोलापुरात केले आहे
