नवा आमदार निवडण्यासाठी नगरपालिकांच्या 426 नगरसेवकांची भूमिका निर्णायक

राज्यातील स्थानिक स्वराज्य संस्था मतदारसंघातून निवडून द्यावयाच्या 17 जागांसाठी निवडणूक जाहीर झाली आहे. सोलापूर सह राज्यातील या 17 मतदार संघात निवडणुकीची अधिसूचना त्या- त्या जिल्हाधिकाऱ्यांनी प्रसिद्ध केली. आज पहिल्या दिवशी काँग्रेसने दोन, शिंदे सेनेने चार, ठाकरे सेनेने तीन समाजवादी पक्षाने एक, बीएसपीने एक आणि अपक्षांनी तीन उमेदवारी अर्ज सोलापूर जिल्हाधिकारी कार्यालयाकडून घेतले आहेत. या मतदारसंघात भाजपचे निर्णय बहुमत असताना देखील त्यांच्यापैकी कोणीच अर्ज घेतला नाही. सोलापूर महापालिकेतील 111, झेडपीचे निवडून आलेले सदस्य 68 आणि सभापती 11 असे 79 तसेच जिल्ह्यातील नगरपालिकेतील निवडून आलेले सदस्य नगराध्यक्ष आणि स्वीकृत सदस्य असे 426 नगरसेवक मतदान करणार आहेत. एकूण 616 मतदारांपैकी 307 सदस्य भाजपचे आहेत शिंदे सेनेचे 76 तर राष्ट्रवादीचे 51 आणि ठाकरे सेनेचे 31 सदस्य आहेत. काँग्रेसचे १८ तर शरद पवार गटाचे 29 सदस्य आहेत. विशेष म्हणजे महापालिका जिल्हा परिषद यांच्या सदस्य संख्या पैकी दुपटीहुन अधिक अशी 426 एवढी मते नगरपालिका मध्ये आहे. 18 जून रोजी गुप्त मतदान पद्धतीने सकाळी आठ ते दुपारी चार या वेळेत हे 616 मतदार नवा आमदार निवडणार आहेत. त्यामुळे ज्यांच्याकडे नगरपालिकांच्या नगरसेवकांचे संख्याबळ त्या गटाचा आमदार होऊ शकतो. भाजपकडून अद्याप कोणाचेही नाव निश्चित केले नाही. राजेंद्र राऊत,प्रशांत परिचारक, दिलीप माने, राजन पाटील, शहाजी पवार आदींची नावे फक्त चर्चेतच आहेत. एक जून पर्यंत उमेदवारी अर्ज भरण्याची मुदत असल्यामुळे त्या दिवशीच भाजपचा उमेदवार कोण हे आणि निकालाचे चित्र जवळपास स्पष्ट होईल अशी दिसते.