कोल्हापूर – अनेक दिवसांपासून कोल्हापूर गोकुळ दूध संघाच्या निवडणुकीवरून आरोप-प्रत्यारोप, राजकारण सुरु आहे. अशात पुन्हा एकदा गोकुळच्या निवडणुकीचा धुरळा उडणार आहे. सहकार विभागाकडून निवडणुकीची प्रक्रिया अधिकृतपणे सुरु करण्यात आली आहे. यानुसार, 2 जून ते 1 जुलै 2026 या कालावधीत ठराव दाखल करण्याची मुदत दुग्ध निबंधक यांच्याकडून देण्यात आली आहे.
गोकुळ दूध संघातील कथित अवसयानातील 1308 दूध संस्थांची सुनावणी पूर्ण झाल्यानंतरच निवडणूक घ्या असे आदेश कोल्हापूर सर्किट बँकेने दिले होते. ही चौकशी 80 दिवसांत पूर्ण करावी, असे आदेश न्यायालयाकडून देण्यात आले होते. जवळपास 800 ते 900 दूध संस्थांची सुनावणी पूर्ण झाली आहे. येत्या 15 जून पर्यंत ही सुनावणी पूर्ण होण्याची शक्यता आहे. याच दरम्यान, सर्वोच्च न्यायालयानेही 90 दिवसांमध्ये निवडणूक घ्या असे निर्देश दिले.
यानुसार, जिल्हा सहकारी निवडणूक अधिकारी तथा विभागीय उपनिबंधक सहकारी संस्था राजकुमार पाटील यांनी गोकुळ दूध संघाला महत्त्वपूर्ण आदेश दिले आहेत. या आदेशामुळे गोकुळ दूध संघाची निवडणूक येत्या तीन महिन्यात लागण्याची शक्यता आहे
