सोलापूर – राष्ट्रीय खाद्यतेल अभियान तेलबिया या नवीन अभियानाला मंजुरी दिली आहे. यात समूह आधारित कार्यक्रम राबविण्यात येणार आहे. सदर अभियानांतर्गत सोयाबीन, करडई, सुर्यफुल या पिकांसाठी सोलापुर जिल्हयाची निवड करण्यात आली असून राष्ट्रीय खाद्यतेल अभियान-तेलबिया (NMEO-OS) अंतर्गत जिल्हा तेलबिया अभियान समितीने निवड केलेल्या पिकनिहाय मूल्य साखळी भागीदार (VCP) यांचे मार्फत समूहामध्ये प्रमाणित बियाणे वितरण, शेतकरी प्रशिक्षण व शेतकरी शेतीशाळा इ. घटक राबवायचे आहेत. तसेच मूल्य साखळी भागीदार (VCP) यांना व्यवस्थापन खर्च, मूल्य साखळी समुहामधील (VCP) शेतक-यांचे माती परिक्षण, सीड हब, Block प्रात्यक्षिके, काढणीत्तोर सुविधा सहाय्य, कृषि मॅपरवर लाभार्थ्यांची माहिती भरणे इ. घटकांचा समावेश आहे. सन 2026-27 करिता पिकनिहाय मूल्य साखळी भागीदार VCPs) यांची जिल्हाधिकारी यांचे अध्यक्षतेखालील जिल्हा तेलबिया अभियान समितीच्या मान्यतेने खालील निकषांच्या आधारे निवड करावयाची आहे.
निकष-
मूल्य साखळी भागीदार (VCP) म्हणून निवड करावयाच्या शेतकरी उत्पादक कंपनी (FPCS) / सहकारी संस्थांसाठी पात्रता निकषः )
कंपनी कायदा किंवा सहकारी कायद्यांतर्गत नोंदणी केलेली असावी. ज्या तालुक्यात समुह तयार झाला आहे तेथे काम करण्याचा किमान 3 वर्षांचा अनुभव असावा. म्हणजेच नोंदणी माहे मार्च, 2023 पूर्वीची असावी.
किमान 200 शेतकरी उत्पादक कंपनी (FPCs) किंवा सहकारी संस्थेमध्ये नोंदणीकृत असावेत.
सहकारी संस्था असल्यास संस्थेच्या उद्दिष्टांमध्ये तेलबिया पिकांत कामकाजाबाबत नमूद असावे.
मागील 3 वर्षातील सरासरी वार्षिक उलाढाल 9 लाख रुपयांपेक्षा जास्त असावी.
शेतकरी उत्पादक कंपनी (FPCs) मध्ये शेतकऱ्यांचा किमान 3 लाख रुपयांचा समभाग असावा.
शेतकरी उत्पादक कंपनी / सहकारी संस्था प्राधान्याने कमी उत्पादकता असणा-या तालुक्यांमध्ये कार्यरत असावी.
शासन अनुदानित शेतकरी उत्पादक कंपनी / सहकारी संस्था यांना प्राधान्य दिले जाईल.
10 हजार शेतकरी उत्पादक संघ (FPOs) योजनेंतर्गत तयार केलेले शेतकरी उत्पादक कंपनी (FPCs), NAFED, NSC-OS इत्यादी
सार्वजनिक संस्थांकडे नोंदणीकृत तेलबियांशी संबंधित शेतकरी उत्पादक कंपनी (FPCs) यांना वरील पात्रता निकषांच्या पूर्ततेच्या अधीन राहून प्राधान्य दिले जाईल.
तरी प्रस्तुत योजना मार्गदर्श सुचनांच्य अधीन राहून वरील निकषांचे पूर्तता करु शकणा-या इच्छुक शेतकरी कंपनी (FPCs)/सहकारी संस्था यांनी सोयाबीन, सुर्यफुल व करडई या पिकांसाठी स्वतंत्रपणे दि. 30 मे 2026 पर्यंत वरील निकषांच्या पुर्तते करीता आवश्यक त्यासर्व कागदपत्रांसह तालुका कृषि अधिकारी कार्यालयास विहित नमुन्यात कंपनीच्या लेटर हेडवर संचालक मंडळाच्या ठरावासह अर्ज करण्यात यावा. अर्जाचा नमुना सर्व तालुका कृषि अधिकरी कार्यालय व जिल्हा अधिक्षक कृषि अधिकारी कार्यालय, सोलापुर येथे उपलब्ध आहे. अधिक माहितीकरीता संबंधित तालुका कृषि अधिकारी, कार्यालयाशी संपर्क साधावा, असे आवाहन जिल्हा अधिक्षक कृषी अधिकारी, शुक्राचार्य भोसले, यांचे मार्फत करण्यात आले आहे.
