सोलापूर – महाराष्ट्र राज्यात मतदार याद्यांचा विशेष सखोल पुनरीक्षण (Special Intensive Revision – SIR) कार्यक्रम जाहीर करण्यात आला आहे. मा. मुख्य निवडणूक अधिकारी, महाराष्ट्र राज्य यांच्या पत्रानुसार तसेच मा. भारत निवडणूक आयोगाच्या निर्देशांनुसार हा कार्यक्रम राबविण्यात येणार आहे.
या पुनरीक्षणासाठी अर्हता दिनांक १ ऑक्टोबर २०२६ निश्चित करण्यात आला आहे. मतदान केंद्रस्तरीय अधिकारी (BLO) यांच्यामार्फत घरोघरी भेटी देऊन मतदारांची माहिती पडताळली जाणार असून नागरिकांना दावे व हरकती दाखल करण्याची संधी उपलब्ध करून दिली जाणार आहे.
कार्यक्रमाचे वेळापत्रक पुढीलप्रमाणे राहील :
- अर्हता दिनांक : ०१.१०.२०२६
- तयारी, प्रशिक्षण व छपाई : २०.०६.२०२६ ते २९.०६.२०२६
- BLO मार्फत घरोघरी भेटी : ३०.०६.२०२६ ते २९.०७.२०२६
- मतदान केंद्रांचे सुसूत्रीकरण : २९.०७.२०२६ पर्यंत
- प्रारूप मतदार याद्यांची प्रसिद्धी : ०५.०८.२०२६
- दावे व हरकती दाखल : ०५.०८.२०२६ ते ०४.०९.२०२६
- नोटीस टप्पा / दावे व हरकती निकालात काढणे : ०५.०८.२०२६ ते ०३.१०.२०२६
- अंतिम मतदार याद्यांची प्रसिद्धी : ०७.१०.२०२६ सोलापूर जिल्ह्यातील नागरिकांनी आपल्या नावाची खात्री करून आवश्यक बदल, समावेश अथवा वगळण्याबाबत निर्धारित कालावधीत दावे व हरकती सादर कराव्यात, असे आवाहन उपजिल्हा निवडणूक अधिकारी किरण सुरवसे यांनी केले आहे.
