TOP 25 । ‘या’ कारणामुळे दमाणीनगर रेल्वे ब्रीजचे काम लांबणार ! सोलापूरकरांचे भोग कधी संपणार ?

सोलापूर शहरातील दमाणीनगर येथील 103 वर्ष जुना इंग्रज कालीन रेल्वे ब्रिज पाडून पाच महिन्यांचा कालावधी लोटला. या कामाची प्रगती समाधानकारक नाही. अण्णाभाऊ साठे चौकाच्या बाजूने तिन्ही ठिकाणी प्रत्येकी चार या पद्धतीने बारा तर रेल्वे ट्रॅकच्या पलीकडे दमानी नगर च्या बाजूला दोन ठिकाणी प्रत्येकी चार पिलर याप्रमाणे आठ पिलर उभा करण्याचे काम सुरू आहे. पश्चिम बंगालच्या निवडणुकीमुळे कामगार गेली वीस दिवसापासून कामावर नाहीत त्यामुळे इथले काम संथगतीने सुरू आहेत. शिवाय ज्या ठिकाणी पिलर उभा करायचे आहेत त्या बाजूला रेल्वेची इलेक्ट्रिकल लाईन शिफ्ट करण्यासाठी दोन महिन्यापूर्वी दोन पोल उभारण्यात आले अजूनही ती लाईन शिफ्ट झाली नाही.त्यामुळे दमानी नगरच्या बाजूचे चार पिलर उभा करण्यासाठी खोदकाम करण्यास रेल्वे कडून परवानगी मिळत नाही. भारतीय राष्ट्रीय महामार्ग प्राधिकरणाच्या माध्यमातून 35 कोटी रुपये खर्च करून या ठिकाणी गोयला इन्फ्रा यांच्या माध्यमातून आणि रेल्वेच्या नियोजनाखाली हे काम सुरू आहे. गेल्या पाच महिन्यातील कामाची प्रगती पाहता वर्षभरात दमानी नगरचा रेल्वे ब्रिज वाहतुकीसाठी खुला करण्याचे नियोजन कोलमडणार हे नक्की. यामुळे रेल्वे ट्रॅकच्या अलीकडे आणि पलीकडे राहणाऱ्या नागरिकांचे भोग कधी संपणार हे देव जाणे…!