नवी मुंबई आंतरराष्ट्रीय विमानतळावरून आता लवकरच विमाने जगभरात गगन भरारी घेणार आहेत. सिडकोकडून त्यांच्या सोशल मिडिया अकाऊंटवर पोस्ट शेअर करत प्रवाशांना त्यांनी मोठी अपडेट दिलेली आहे.
विमानतळ प्रशासन आता मे 2026 पासून जगभरातली विमानसेवा विस्तार करण्यासाठी सज्ज झाले आहे. अमेरिका- इराण- इस्राईलमधील संघर्षामुळे जगभरातील विमानसेवा सुरू करण्याची तारीख ठरत नसल्याचे वृत्त यापूर्वी मिळाले होते मात्र सिडकोचे व्यवस्थापकीय संचालक विजय सिंघल यांनी दिलेल्या माहितीनुसार, “विमानतळावरून दररोज सुमारे 35 आंतरराष्ट्रीय विमानांची उड्डाणे अपेक्षित आहेत,” आंतरराष्ट्रीय विमानसेवा मे 2026 पर्यंत होण्याची चिन्हे दिसत आहेत. ही सेवा जगभरातील 35 शहरांना जोडणार ,जगभरामध्ये विमानसेवा सुरू झाल्यानंतर विमान वाहतूक क्षेत्राच्या विकासातील एक महत्त्वाचा टप्पा मानला जाणार आहे.
“देशांतर्गत सेवा यशस्वीपणे सुरू झाल्यानंतर आता विमानतळ आंतरराष्ट्रीय सेवांसाठी सज्ज आहे. सुरुवातीच्या टप्प्यात दररोज सुमारे ३५ आंतरराष्ट्रीय उड्डाणे या विमानतळावरून होण्याची अपेक्षा व्यक्त करण्यात आली आहे”
- विजय सिंघल
शहर आणि औद्योगिक विकास महामंडळ (CIDCO) उपाध्यक्ष व व्यवस्थापकीय संचालक .
