सोलापूर : सोलापुर शहरातील समाज कल्याण टेनिस क्लब येथे दोन दिवस चाललेल्या “एम थ्री चषक टेनिस” स्पर्धेमध्ये डॉ. टी.सदाशिव व कृष्णा कणकी यांच्या जोडीने अग्रमानांकित लॉन टेनिसपटू डॉ.लक्ष्मी नारायण व श्री. महेश मुलगे यांचा सहा चार अशा फरकाने पराभव करीत अजिंक्यपद पटकावले. सदर टेनिस चषक स्पर्धेमध्ये सोलापुरातील विविध 20 मानांकित खेळाडूंनी प्रवेश नोंदविला होता. लॉन टेनिस या खेळात नावाजलेले डॉ. सदाशिव तेरदाळ व त्यांचे सहकारी कृष्णा कनकी या दोघांनी प्रथम फेरीमध्ये डॉ. चौधरी व श्री. संकेत नागोजी यांचा मोठ्या फरकाने पराभव करून वरिष्ठ फेरीमध्ये प्रवेश मिळवला. क्वर्टर फायनल मध्ये श्री संजय बिराजदार व श्रेणिक षटकार यांचा सहा तीन असा पराभव करून उपांत्य फेरी मध्ये दाखल झाले.
बाद पद्धतीने खेळण्यात आलेल्या या स्पर्धेमध्ये दुसऱ्या बाजूने महेश मुलगे व लक्ष्मी नारायण या जोडीने ऍड.मनीष आडम व पराग पाटील यांचा चार फरकाने पराभव करून अंतिम फेरीमध्ये दाखल झाले.
अंतिम फेरीमध्ये लक्ष्मी नारायण व महेश मुलगे यांचा सामना डॉ.टी सदाशिव व कृष्णा कणकी यांच्यामध्ये झाला.अत्यंत चुरशीने लढलेल्या या निर्णयाक अंतिम सामन्यांमध्ये टी.सदाशिव यांनी अत्यंत चपळतेने व प्रभावी खेळी करीत स्पर्धेचे अजिंक्यपद प्राप्त केले. त्यांच्या या यशाबद्दल समाज कल्याण टेनिस क्लब तर्फे ट्रॉफी देऊन्न सन्मानित करण्यात आले.
सदरील स्पर्धा यशस्वी करण्यासाठी डॉ. वैभव मेरू डॉ. अमोल माळगे, श्री महेश मुलगे, डॉ. विद्याधर सूर्यवंशी, राघवेंद्र सोमशेट्टी डॉ. शिरीष तुंबळ संदीप वल्लाकाठी, तुकाराम गायकवाड, सुजित भटड यांनी विशेष परिश्रम घेतले. तर पंच म्हणून विजय मस्के व आशिष यांनी काम पहिले.
