सोलापूर महापालिकेने केंद्र शासनाच्या आकांक्षी टॉयलेट योजनेतून एसटी स्टँड जवळील क्रोमा सेंटर, जुळे सोलापुरातील पाणी टाकी, अश्विनी हॉस्पिटल जवळील नाना नानी पार्क आणि पूर्व विभाग वाचनालय या ठिकाणी प्रत्येकी 50 लाख खर्चून एसी टॉयलेट उभारले आहेत. दोन कोटी रुपयांची ही एसी टॉयलेट उभारून तीन वर्षांचा कालावधी उलटला. अद्याप ती बंद अवस्थेतच आहेत. याची पाहणी बुधवारी स्थायी समितीच्या सभापती रंजीता चाकोते यांच्यासह काही नगरसेविकांनी केली. विशेष म्हणजे नाना नानी पार्क मध्ये उभारलेल्या एसी टॉयलेट मधील एसी गायब झाल्याची यावेळी निदर्शनास आले. यावरूनच महापालिकेचा कारभार किती भोंगळ आहे आणि प्रशासनातील अधिकारी एकमेकांना भ्रष्टाचार करून कसे सपोर्ट करतात हे दिसून आले आहे. नवीन पदाधिकाऱ्यांनी कितीही ओरड केली तरीही वर्षानुवर्ष त्याच टेबलवर असलेले खाते प्रमुख आणि अधिकारी या पदाधिकाऱ्यांना दाद लागू देत नाहीत. त्यामुळे पालकमंत्र्यांनी कितीही ओरडले तरीही नव्या पदाधिकाऱ्यांकडून शहर हिताची कामे होणे खूप अवघड आहे.
सोलापुरात 2 कोटी खर्चून बांधलेल्या टॉयलेट मधील AC सुरू होण्यापूर्वीच गायब…!
